क्रेनची अन्यायी कारवाई व सम विषम पार्किंग बंद करण्याची इनामची मागणी.
इचलकरंजी
शहरातील क्रेनची अन्यायी कारवाई व सॅम विषम पार्किंग बंद करावे यासह विविध मागण्याचे निवेदन इचलकरंजी नागरिक मंचच्या वतीने
शहर वाहतूक शाखेस देण्यात आले.
इचलकरंजी शहरातील मुख्य रस्त्यावर एकेरी मार्ग असल्याने इथे सम विषम पार्किंगमुळे शहरातील व्यापारी वर्गाचे नुकसान होत आहे, बाहेरगावाहून येणाऱ्या ग्राहकांना याबाबत माहिती नसल्याने क्रेनचा दंड जास्त असल्याने ३०० रुपयात आपले कर्मचारी तोंडपाणी करत आहेत त्यामुळे तातडीने सम विषम पार्किंग बंद करण्यात यावे.इचलकरंजी शहरात क्रेनच्या माध्यमातून वाहतूक शाखेची अरेरावी सुरू असून गोरगरीब जनतेला लुटण्याचे काम सुरू आहे.ज्या ठिकाणी पांढरे पट्टे मारलेले नाहीत,स्पष्ट फलक लावलेले नाहीत त्या ठिकाणी क्रेनची कारवाई करू नये याबाबत आपणास २ महिन्यांपूर्वी निवेदन देऊनही वर्दीतून लूटमार सुरू ठेवली आहे यापुढे कोणत्याही पद्धतीने क्रेन शहरात फिरवू नये,इचलकरंजी शहरातील आपले कर्मचारी हे नेमून दिलेले स्पॉट सोडून इतरत्र चिरीमिरी
गोळा करत असतात तसेच आपल्या शहर वाहतूक शाखेत आपल्याकडे कर्तव्यात नसलेले काही लोक येऊन आपल्या कार्यालयाच्या कामकाजात हस्तक्षेप करत असतात व आपल्या कर्मचाऱ्यांसोबत फिरत असतात,कबनुर चौकात आपले कर्मचारी एका केळ्याच्या गाड्यावाल्याकडे चिरीमिरी देण्यास सांगत असतात याबाबत योग्य ती कारवाई करावी.
सिसीटीव्हीचा वाहतूक नियंत्रणात मोठा वाटा असतो व त्याचा चांगला उपयोग पोलीस खात्यास होतो.याबाबत आपण तातडीने सीसीटीव्ही सुरू करण्यासाठी प्रयत्न करावेत.सायंकाळी ५ ते ६ या वेळेत शाळा सुटल्यामुळे महासत्ता चौकात व सांगली नाका परिसरात वाहतूक कोंडी मोठ्या प्रमाणात होते.यावेळी वाहतूक पोलीस तेथे कार्यरत ठेवून वाहतूक कोंडी कमी करण्याचा प्रयत्न करण्यात यावा याबाबत निवेदन देऊनही कारवाई होत नाही,
शहर वाहतूक सल्लागार समितीची बैठक ३१ ऑक्टोबर २०२३ रोजी झाली होती,१३ महिने झाले तरी बैठकीस मुहूर्त का सापडेना याबाबत मागील निवेदनात आपणास कळवले असतानाही आपण बैठक लावली नाही.बैठक कोणी आयोजित करायची हा आपला व महापालिकेचा प्रश्न असुन यापूर्वी झालेल्या सर्व बैठका शहर वाहतूक शाखेने आयोजित केल्या आहेत त्वरित शहर वाहतूक सल्लागार समितीची बैठक बोलवण्यात यावी व तातडीने वाहतुकी संदर्भात उपाययोजना करण्यात याव्यात या मागण्या इचलकरंजी नागरिक मंचतर्फे निवेदनाद्वारे करण्यात आल्या.यावेळी इनामचे राम आडकी,शितल मगदूम,महेंद्र जाधव, राजन मुठाणे,अभिजित पटवा उपस्थित होते.
