डी.के.ए.एस.सी कॉलेजच्या दोन खेळाडूंची शिवाजी विद्यापीठ बॉक्सिंग संघात निवड

इचलकरंजी

 २५ व २६ नोव्हेंबर २०२४  रोजी कोल्हापूर येथे संपन्न झालेल्या शिवाजी विद्यापीठ अंतर्गत आंतरविभागीय बॉक्सिंग पुरुष स्पर्धेत डी. के. ए. एस. सी. कॉलेजच्या दोन खेळाडूंनी उत्कृष्ठ कामगीरी करत सुवर्ण पदकाची कमाई केली.  यामध्ये रामानूज सिंग याने ९२ किलो वजनी गटात तर प्रेमदास शिरोटे याने ६० किलो वजनी गटात सुवर्ण पदक पटकावले. या खेळाडूंची २६ डिसेंबर ते २ जानेवारी दरम्यान भटिन्डा (पंजाब) येथे होणाऱ्या अखिल भारतीय आंतरविद्यापीठ बॉक्सिंग पुरुष स्पर्धेसाठी शिवाजी विद्यापीठ संघात निवड झाली आहे.

या दोन्ही खेळाडूंचे महाविदयालयाचे प्राचार्य डॉ. एस. एम. मणेर यांनी अभिनंदन केले व प्रा.चेतन पाटील व प्रा. मयूर बोरगे यांनीही पुढील स्पर्धेसाठी शुभेच्छा दिल्या. तर महाविदयालयाचे शारीरिक शिक्षण संचालक प्रा. मुजफ्फर लगीवाले प्रा. विनायक भोई यांचे मार्गदर्शन लाभले. या दोन्ही खेळाडूंचे सर्वत्र कौतुक होत आहे.