कल्लाप्पाण्णा आवाडे इचलकरंजी जनता बँकेमध्ये आकर्षक व्याज दराची ‘नववर्षारंभ’ ठेव योजना कार्यान्वित
इचलकरंजी ता. नववर्षाचे औचित्य साधून, कल्लाप्पाण्णा आवाडे इचलकरंजी जनता सहकारी बँकेने १५ महिन्यासाठी ८.१०% व्याज दराची ‘नववर्षारंभ ठेव योजना २०२५’ या आकर्षक ठेव योजनेचा शुभारंभ केला आहे. सदरची योजना ही सोमवार दि. ०६.०१.२०२४ इ. रोजीपासून ठराविक कालावधीकरिता कार्यान्वित केली जाणार आहे.
सदर योजनेचा लाभ घेण्यासाठी हिंदू अविभक्त कुटूंब (HUF), नोंदणीकृत संस्था, ट्रस्ट, LLP, सहकारी संस्था, कंपनी, भागीदारी संस्था इ. प्रकारच्या कायदेशीर बाबी पुर्ण केलेल्या संस्था पात्र असतील.
सदर ठेव योजनेमध्ये ठेवीदार कमीत कमी रु. १००० पासून व त्यावरील कितीही रक्कमेपर्यंत या योजनेमध्ये गुंतवणूक करू शकतो. या ठेवीसाठी बँकेने रु. १ कोटीपर्यंत प्रतिवर्ष ८.१०% व ज्येष्ठ नागरिकांना प्रतिवर्ष ८.६०% इत्तका व्याज देणेचे निश्थित केले आहे. तसेच रु. १ कोटीच्या वर ८.२५% व रु. ५ कोटीवरील ठेवींसाठी ८.५०% व्याज दिला जाईल. तसेच ज्येष्ठ नागरिकांना प्रचलित ठेव व्याज दराच्या ०.५०% इतका जादा व्याज दर दिला जाईल. या ठेवीसाठीचा कालावधी हा केवळ १५ महिने इतका असणार आहे. या ठेवीसाठी मासिक, तिमाही किंवा पुनर्गुतवणूकीचा पर्याय खुला राहणार असून, या ठेवीसाठी बँक देत असलेल्या अन्य सुविधा लागू राहतील,
सदरची आकर्षक व्याज दराची ठेव योजना ही केवळ मर्यादीत कालावधीसाठी असल्यामुळे, सर्व ठेवीदारांनी व ग्राहकांनी या ठेव योजनेचा लाभ घ्यावा व अधिक माहितीसाठी नजिकच्या शाखेशी संपर्क साधावा असे आवाहन बँकेचे चेअरमन श्री स्वप्निल आवाडे यांनी या प्रसंगी करून, बँकेच्या सर्व ग्राहकांना नववर्षाच्या शुभेच्छा दिल्या.
सदर प्रसंगी बँकेचे व्हा. चेअरमन सीए श्री संजयकुमार अनिगोळ, सीए श्री चंद्रकांत चौगुले (चेअरमन-BOM), मुख्य कार्यकारी अधिकारी संजय शिरगावे, जनरल मॅनेजर किरण पाटील व दिपक पाटील तसेच संचालक मंडळ उपस्थित होते.
