महाराष्ट्राचे नूतन वस्त्रोद्योग मंत्री श्री. संजय सावकारे यांचा इचलकरंजीतील यंत्रमागधारक जागृती संघटने तर्फ सत्कार व विविध मागण्याचे निवेदन
मुंबई :
महाराष्ट्र राज्याचे नूतन वस्त्रोद्योग मंत्री श्री. संजय सावकारे यांची त्यांच्या निवडीबद्दल यंत्रमागधारक जागृती संघटना, इचलकरंजीच्या वतीने पुष्पगुच्छ देऊन सत्कार करण्यात आला. यावेळी संघटनेचे अध्यक्ष श्री. विनय महाजन यांनी त्यांना विविध मागण्याचेनिवेदन सादर केले.या निवेदनात राज्यातील यंत्रमाग व्यवसायाला आलेल्या अडचणी दूर करण्यासाठी आणि व्यवसायाला चालना देण्यासाठी लवकरच एक संयुक्त बैठक बोलविण्याची मागणी करण्यात आली आहे. यामध्ये राज्यातील यंत्रमाग व्यवसाय प्रतिनिधी व लोकप्रतिनिधींचा सहभाग असावा अशी विनंती करण्यात आली आहे.
तसेच, इचलकरंजी येथील यंत्रमाग उद्योगाच्या परिस्थितीची पाहणी करण्यासाठी मंत्री महोदयांनी इचलकरंजीला सदिच्छा भेट द्यावी, अशी विनंतीही करण्यात आली आहे.
यावेळी संघटनेचे उपाध्यक्ष सुरज दुबे, उद्योगपती भरत जैन आणि अन्य पदाधिकारी उपस्थित होते. संघटनेने मंत्री महोदयांच्या नेतृत्वाखाली यंत्रमाग उद्योगाला पुनरुज्जीवन मिळेल आणि राज्यातील यंत्रमाग व्यावसायिकांच्या समस्या सोडवल्या जातील, अशी आशा व्यक्त केली.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
