इचलकरंजी एसटी आगारातर्फे राष्ट्रीय रस्ता सुरक्षा अभियानाची सुरवात.
इचलकरंजी
राज्य परिवहन महामंडळामध्ये रा.प. इचलकरंजी आगारामध्ये दिनांक ११ जानेवारी २०२५ रोजी “राष्ट्रीय रस्ता सुरक्षा महिना जानेवारी २०२५” अभियानाचे उदघाटन करण्यात आले. सदरचे अभियान ०१ जानेवारी ते ३१ जानेवारी २०२५ या कालावधीत राबवण्यात येत आहे. या कार्यक्रमाचे अध्यक्षस्थानी आगार व्यवस्थापक सागर तुकाराम पाटील होते. या कार्यक्रमास प्रमुख पाहुणे महेश करवंदे, मा.उपयंत्र अभियंता कोल्हापूर विभाग,अतुल नंदगावकर, मोटर वाहन निरीक्षक, श्रीमती ज्योती पाटील व श्रीमती निकिता नाईक सहाय्यक मोटर वाहन निरीक्षक, इचलकरंजी हे उपस्थित होते.
या कार्यक्रमास रा.प. इचलकरंजी आगारातील सर्व पर्यवेक्षकीय कर्मचारी, चालक, वाहक यांत्रिक व प्रशासकीय कर्मचारी उपस्थित होते. त्यांना अपघात होऊ नये म्हणून किंवा अपघात टाळण्यासाठीची घ्यावयाची दक्षता व उपयायोजना याबाबत प्रमुख पाहुण्यांनी मार्गदर्शन केले.
“राष्ट्रीय रस्ता सुरक्षा महिना, जानेवारी – २०२५” कार्यक्रमावेळी रा. प. इचलकरंजी आगारातील ३०,२०,१५,१०,०५ वर्षे विना अपघात सेवा बजावलेल्या उत्कृष्ट चालकांचा पुष्पगुच्छ देवून प्रमुख मान्यवरांच्या हस्ते गौरव करण्यात आला. तसेच कार्यक्रमावेळी सुरक्षित वाहन चालविणेसाठी कटिबद्ध राहणेसाठी शपथ घेण्यात आली.
