इचलकरंजी मनपाच्या वतीने ‘२६ जानेवारी भारतीय प्रजासत्ताक दिन ‘ मोठ्या उत्साहात साजरा

इचलकरंजी

          रविवार   दि. २६ जानेवारी रोजी भारतीय प्रजासत्ताक दिनानिमित्त इचलकरंजी महानगरपालिकेच्या वतीने राजाराम स्टेडियम येथे मुख्य ध्वजारोहण समारंभ महानगरपालिकेचे आयुक्त तथा प्रशासक ओमप्रकाश दिवटे यांच्या शुभहस्ते आणि आमदार डॉ. राहुल आवाडे, अतिरिक्त आयुक्त सुषमा शिंदे तसेच  उपायुक्त प्रसाद काटकर, उपायुक्त स्मृती पाटील  यांच्या प्रमुख उपस्थितीत मोठ्या उत्साहात  साजरा करणेत आला.

         २६ जानेवारी रोजी महानगरपालिकेच्या वतीने विविध सांस्कृतिक कार्यक्रमांचे आयोजन करण्यात येते यामध्ये शहरातील विविध शाळा – महाविद्यालयातील विद्यार्थी यांचे संचलन याचबरोबर प्राथमिक शिक्षण विभागाकडील रवींद्रनाथ टागोर विद्यानिकेतन शाळा, कै.वेणुताई चव्हाण शाळा, मृगेंद्र आण्णा सुलतानपुरे विद्या मंदिर, या शाळेच्या विद्यार्थ्यांनी देशभक्तीपर समुह नृत्य तसेच दि न्यु हायस्कूल आणि ज्युनिअर कॉलेज च्या विद्यार्थ्यांनी रेसलिंग प्रात्यक्षिक सादर केले. तसेच जितेंद्र कुलकर्णी यांच्या मार्गदर्शनानुसार सरस्वती हायस्कूलच्या विद्यार्थ्यांनी या कार्यक्रमात सहभाग घेतला.

    महानगरपालिकेच्या वाहन विभागाच्या वतीने सहा.क्रीडा अधिकारी संजय कांबळे यांच्या मार्गदर्शनानुसार अमेरिकेत झालेल्या दहशतवादी हल्ला या विषयावर आधारित  प्रात्यक्षिकाचे सादरीकरण केले. यास उपस्थितांनी उस्फुर्त प्रतिसाद दिला.

    यावेळी प्रजासत्ताक दिनाचे औचित्य साधून इचलकरंजी शहरातील विविध शाळेमधील राष्ट्रीय स्तरावर सुवर्ण पदक प्राप्त विजेत्या विद्यार्थ्यांच्या  विशेष सत्काराचे आयोजन महानगर पालिकेच्या वतीने करणेत आले होते.

      याप्रसंगी निलीमा दिवटे, ऋचा दिवटे, माजी उपनगराध्यक्ष तानाजी पोवार, प्रकाश मोरबाळे, रवी रजपुते, अजितमामा जाधव, राहुल खंजिरे, अब्राहम आवळे, महादेव गौड, नगरसेविका सुनिता मोरबाळे, सदा मलाबादे, राजेंद्र मुठाने,  मुख्य वित्त व लेखा अधिकारी विकास खोळपे,शहर अभियंता महेंद्र क्षिरसागर, मुख्य लेखा परीक्षक आरती खोत, सहा. आयुक्त रोशनी गोडे सहा.आयुक्त विजय राजापुरे, आरोग्य अधिकारी डॉ. सुनिलदत्त संगेवार, कार्यकारी अभियंता  सुभाष देशपांडे,  मुख्याध्यापक शंकर पोवार, प्रा.शेखर शहा, संजय परिट, प्रा.संतोषी जावीर, कॅप्टन प्रमिला सुर्वे, कॅप्टन राहुल बुनांद्रे,  लेफ्टनंट विनायक भोई ,प्रा.रोहीत शिंगे , प्रा.ए.एस मुलानी, गणेश बरगाले, डॉ. राहुल कुलकर्णी, कृष्णा अडकिल्ला आदिंसह

शहरातील स्वातंत्र्य सैनिकांचे वारस, माजी सैनिक,नागरिक आणि शहरातील शाळा – महाविद्यालयाचे विद्यार्थी मोठ्या संख्येने उपस्थित होते