चंदन चोरीप्रकरणी दोन आरोपी अटकेत, एक अल्पवयीन ताब्यात स्थानिक गुन्हे अन्वेषण शाखा, कोल्हापूर यांची कारवाई

चंदन चोरीप्रकरणी दोन आरोपी अटकेत, एक अल्पवयीन ताब्यात
स्थानिक गुन्हे अन्वेषण शाखा, कोल्हापूर यांची कारवाई.

कोल्हापूर – जिल्हा न्यायालय परिसरातील कृष्णा इमारतीच्या मागील बाजूस असलेले २०,००० रु. किंमतीचे चंदनाचे झाड अज्ञात चोरट्यांनी कापून नेल्याची घटना २० ते २१ जानेवारी २०२५ दरम्यान घडली होती. या प्रकरणी शाहुपुरी पोलीस ठाण्यात गुन्हा दाखल करण्यात आला होता.

पोलीस अधीक्षक महेंद्र पंडित यांनी स्थानिक गुन्हे अन्वेषण शाखेला समांतर तपासाचे आदेश दिले होते. त्यानुसार पोलीस निरीक्षक रविंद्र कळमकर यांच्या मार्गदर्शनाखाली पोलीस उपनिरीक्षक शेष मोरे व त्यांच्या पथकाने तपास सुरू केला.

बातमीदारांच्या माहितीवरून रायबाग (कर्नाटक) येथे छापा टाकून संशयित करण उर्फ समुसलाल सरायलाल पवार (वय ५५) आणि रुलबाबू सरायलाल पवार (वय २०, दोघेही रा. हरदुवा, जि. कटनी, मध्यप्रदेश) यांना ताब्यात घेण्यात आले. त्यांच्यासोबत असलेल्या एका अल्पवयीन मुलालाही पोलिसांनी ताब्यात घेतले आहे. प्राथमिक चौकशीत त्यांनी गुन्ह्याची कबुली दिली असून, चोरी केलेले चंदन कोणाला विकले, याचा तपास सुरू आहे.

या कारवाईत पोलीस निरीक्षक रविंद्र कळमकर, पोलीस उपनिरीक्षक शेष मोरे, अतिश म्हेत्रे आणि पोलीस अंमलदार अमित सर्जे, महेश खोत, अमोल कोळेकर, हिंदुराव केसरे, सोमराज पाटील, लखनसिंह पाटील, दीपक घोरपडे, सतीश जंगम, सागर माने, वसंत पिंगळे, संजय पडवळ, शुभम संकपाळ, सुशिल पाटील, राजेंद्र वरंडेकर, हंबीरराव अतिग्रे तसेच सायबर पोलीस ठाण्याचे महादेव गुरव आणि सुरेश राठोड यांनी सहभाग घेतला.पुढील तपास शाहुपुरी पोलीस ठाणे करत आहे.

Author: ICHMH51 NEWS ABHIJIT PATWA

घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800