अर्थसंकल्पाचे पॉवरलूम असोसिएशनतर्फे स्वागत-चंद्रकांत पाटील

अर्थसंकल्पाचे पॉवरलूम असोसिएशनतर्फे स्वागत-चंद्रकांत पाटील

इचलकरंजी ०१ :

केंद्रीय अर्थमंत्री निर्मला सितारमण यांनी सन २०२५-२६ साठी केंद्रीय अर्थसंकल्प सादर केला. त्यामध्ये वस्त्रोद्योगासाठी व वस्त्रोद्योगातील निर्यातीसाठी प्रोत्साहनपर योजनांची घोषणा केली आहे. कापूस उत्पादन वाढविणेसाठी कॉटन प्रोडक्शन मिशन ही योजना सुरू करण्याची संकल्प त्यांनी जाहीर केला. त्यामुळे कापूस उत्पादन व पर हेक्टरी कापसाचा वाढीव उतारा मिळणार आहे. आणि कापूस उत्पादक शेतकèयांना ५ वर्षांचे पॅकेज जाहीर केले आहे. याचा वस्त्रोद्योगाला पुढील काळात फायदा होणार आहे.

एकूण निर्यातीपैकी ४५% निर्यात सुक्ष्म, लघू व मध्यम उद्योगातून होतो. यामुळे अशा सुक्ष्म, लघू व मध्यम उद्योगांना तसेच निर्यात करून इच्छिणाऱ्या उद्योजकांना प्रोत्साहन देणे, निर्यात संधी उपलब्ध करून देणे, मार्केटींगसाठी मदत करणे त्याचबरोबर २० करोड रूपयांपर्यंत निर्यात मुदत कर्ज देणे अशा योजना लागू होणार आहेत. त्याचबरोबर टेक्सटाईल उपग्रेडेशन फंड (TUFS) योजनेसाठी निधी राखीव ठेवणेत आला आहे. सुक्ष्म, लघू व मध्यम उद्योगांना कमी व्याज दरात कर्जे देणेसाठी प्राथमिकता दिली जाणार असून त्यासाठी १० हजार कोटी रूपयांचा निधी उपलब्ध करून दिला जाणार आहे. निर्यात करू इच्छिणाऱ्या वस्त्रोद्योजकांना क्रेडीट गॅरंटी स्किम लागू होणार आहे. त्याचबरोबर एक्सपोर्ट प्रमोशनची स्थापना करून निर्यात वाढीसाठी प्रयत्न केले जाणार आहेत. टेक्नीकल व जीओ टेक्सटाईल उद्योगांना प्रोत्साहनपर योजना लागू केली जाणार आहे. कस्टम ड्युटीमधील ७ प्रकारचे टेरीफ रेट हटवले आहेत. आता फक्त ८ टेरीफ रेट शिल्लक राहिले आहेत. कस्टम ड्युटीवरील सोशल वेलफेअर सरचार्ज हटवला जाणार आहे. यामुळे भारतात तयार होणारे कपडे स्वस्त होऊन त्याचा परिणाम निर्यात वाढीवर होणार आहे. त्याचबरोबर पारंपारिक कॉटन उत्पादनासाठी प्रोत्साहन दिले जाणार आहे. या सर्वामुळे पुढील आर्थिक वर्षामध्ये वस्त्रोद्योगाला गती मिळेल व देशांतर्गत तसेच निर्यातीच्या विक्रीमध्ये वस्त्रोद्योगाला चालना मिळेल अशी आशा आहे.

सध्या अस्तित्वात असलेला आयकर ( Income Tax ) कायदा व त्यातील तरतूदी निम्यांवर आणल्या जाणार असून तसे नविन बिल पुढील आठवड्यात संसदेत सादर होणार आहे. त्यामुळे उद्योजकांना आयकर कराच्या प्रश्नामध्ये सुविधा होणार आहे. याशिवाय डायरेक्ट आयकर प्रणालीमध्ये १२ लाखापर्यंत आता कोणताही कर लागार नसल्यामुळे लहान उद्योजकांना आयकरात सवलत मिळणार आहे. या अर्थसंकल्पाचे दि इचलकरंजी पॉवरलुम असोसिएशनच्या वतीने स्वागत करण्यात येत असलेचे प्रसिद्धीपत्रक दि इचलकरंजी पॉवरलुम असोसिएशनचे अध्यक्ष चंद्रकांत पाटील यांनी प्रसिद्धीस दिले आहे.