भाजपा सक्रिय सदस्यता अभियान प्रभावीपणे राबवावे – सुरेश हाळवणकर 

इचलकरंजी:
देशामध्ये पंतप्रधान नरेंद्र मोदी यांच्या नेतृत्वातला देश तसेच मुख्यमंत्री देवेंद्र फडणवीस यांच्या नेतृत्वातला महाराष्ट्र नवनिर्माण होऊन मजबूत होत आहे. तसेच यांच्यामुळे भारतीय जनता पार्टीचे संघटन देशात आणि राज्यात मजबूत होत आहे. डबल इंजिनचे सरकार हे देशाला आणि महाराष्ट्राला प्रगतशील करणार असून प्रत्येक व्यक्ती भारतीय जनता पार्टीचा सदस्य होण्यासाठी उत्सुकता आहे. सदस्य नोंदणी अभियानामध्ये कोल्हापूर जिल्ह्यामध्ये इचलकरंजी विधानसभा मतदारसंघ एक नंबर वरती असून राज्यात पाच नंबरला आला आहे. इचलकरंजी मतदारसंघांमध्ये कार्यकर्त्यांनी तळागाळापर्यंत जाऊन सदस्य नोंदणी अभियान यशस्वीपणे राबवली आहे. त्यामुळे येणाऱ्या काळात सक्रिय सदस्यता नोंदणी अभियान पूर्ण ताकतीने राबवावे आणि संघटन मजबूत करावे. तसेच संघटनेच्या माध्यमातून सरकारच्या विविध योजना समाजातील शेवटच्या घटकापर्यंत पोहोचवावे असे आवाहन प्रदेश उपाध्यक्ष सुरेश हाळवणकर यांनी बोलताना केले. त्याचवेळी जिल्ह्यामध्ये सदस्य नोंदणी अभियानामध्ये इचलकरंजी मतदार संघ हा पहिल्या क्रमांकावर आल्या बद्दल शहर अध्यक्ष अमृतमामा भोसले यांचे अभिनंदन करण्यात आले.
यावेळी शहराध्यक्ष पैलवान अमृतमाम भोसले, अभियान संयोजक शशिकांत मोहिते यांनी कार्यकर्ते यांना भागामध्ये जाऊन नागरिकांना सक्रिय सदस्यता नोंदणी करून घेण्याचे आवाहन केले मार्गदर्शन केले.
यावेळी अभियानाचे प्रमुख विजय भोजे, अशोक स्वामी, राजेश राजपुते, महिला अध्यक्षा सौ.अश्विनी कुबडगे, युवा मोर्चा अध्यक्ष जयेश बुगड, सं.गां नि.यो स. अध्यक्ष अनिल डाळ्या, सौ. विजया पाटील सौ.उर्मिला गायकवाड, अहमद मुजावर, विनोद कांकानी, सौ.नीता भोसले तसेच पदाधिकारी कार्यकर्ते मोठ्या संख्येने उपस्थित होते.