रोटरी क्लब, इनरव्हील क्लब  इचलकरंजी तर्फे अंध महिलांचा गौरव 

इचलकरंजी :

येथील रोटरी क्लब ऑफ इचलकरंजी, इनरव्हील क्लब ऑफ इचलकरंजी, राष्ट्रीय दृष्टिहीन संघ महाराष्ट्र शाखा ,कोल्हापूर यांच्या संयुक्त  विद्यमाने महिला दिनाचे औचित्य साधून कोल्हापूर, सांगली, सातारा, पुणे ,सोलापूर जिल्ह्यातील अंध महिलांना एकत्र करून एक आगळावेगळा कार्यक्रम घेऊन अंध महिलांचा गौरव नुकताच करण्यात आला .हा कार्यक्रम त्यागी भवन कागवाडे मळा, इचलकरंजी या ठिकाणी संपन्न झाला .

कार्यक्रमाच्या उद्घाटन प्रसंगी रोटरी क्लबचे अध्यक्ष रो.संतोष पाटील, सेक्रेटरी रो.चंद्रकांत मगदूम रोटरी फिजिओथेरपी सेंटरचे डॉ. जिनेन्द्र ऐनापुरे, तसेच नागेश शेजाळे, सामाजिक कार्यकर्ते  कुंतीलाल  पाटणी , त्यागी भवन ट्रस्टी शेखर नाईक ,राष्ट्रीय  दृष्टीहीन  संघ महाराष्ट्र विभागीय शाखा पुणेचे ,महासचिव शिवाजी लोंढे सर, महिला उपाध्यक्ष  अंजना जोजे मॅडम, राष्ट्रीय  दृष्टीहीन संघ महाराष्ट्र राज्य शाखेच्या महिला उपाध्यक्ष रीना पाटील मॅडम ,जिल्हा शाखा कोल्हापूरचे  अध्यक्ष रवी कांबळे व इतर पदाधिकारी ही उपस्थित होते.रोटरी क्लबचे अध्यक्ष रो.संतोष पाटील यांनी  उपस्थितांना मार्गदर्शन करून शुभेच्छा दिल्या.

दोन दिवस झालेल्या कार्यक्रमात शंभरहून अधिक अंध महिला उपस्थित होत्या या महिलांच्या कलागुणांना वाव देणे  करिता विविध स्पर्धांचे आयोजन करण्यात आले.तसेच करमणुकीचे कार्यक्रमही घेण्यात आले .आरोग्य विषयी डॉ, सुषमा पुजारी यांनी उपस्थित  महिलांना मार्गदर्शन केले, स्पर्धेचा बक्षीस समारंभ इनरव्हील क्लबच्या अध्यक्षा सौ .चंदा कोठारी ,सेक्रेटरी सो.प्रेम लता सारडा, सौ .अनिता जैन, कळत्री मॅडम यांच्या हस्ते करण्यात आला.विविध प्राविण्य मिळवलेल्या अंध महिलांचा गौरव ही पाहुण्यांचे हस्ते करण्यात आला, या उपक्रमास आवडे कुटुंबीयांचे व त्यागी भवनचे सहकार्य लाभले.राष्ट्रीय दृष्टिहीन संघ महाराष्ट्र जिल्हा शाखा कोल्हापूरचे महासचिव श्री शरद पाटील यांनी आभार मानले . उपक्रमास रोटरी व इनरव्हील क्लब ऑफ इचलकरंजीचे बहुमोल सहकार्य लाभले.