भगवान महावीर जन्मकल्याणक निमित्त आजपासून व्याख्यान

भ.महावीर जन्मकल्याणक महोत्सव सप्ताह सध्या इचलकरंजीमध्ये विविध कार्यक्रमाच्या माध्यमातून सुरू आहे. महावीरांच्या जयंती निमीत्त मंगळवार दि. ८ व बुधवार दि. ९ एप्रिल २०२५ इ.रोजी दुपारी ३.३० वा. महावीर भवन, गायत्री भवन शेजारी, मेन रोड, इचलकरंजी येथे मंगल प्रवचन सोहळा संपन्न होणार आहे. यामध्ये दि. ८ रोजी प.पू. मुनीश्री १०८ विद्यासागर महाराज यांचे भ.महावीर हे सर्व कालीन समस्यांचे समाधान कर्ता या विषयावर, तर दि. ९ रोजी प.पू. प्रज्ञाभारती सरस्वती श्रीजी महाराज साहेब यांचे महावीर स्वामीजीके दिव्य संदेश का आजके जिवनमे महत्व या विषयावर प्रवचन होणार आहे. हे दोन्ही साधू विद्वान व व्याख्यानावर प्रभूत्व असणारे विद्यावाचस्पती आहेत. तरी इचलकरंजी व परिसरातील सर्व नागरिक, बंधू भगिणी व श्रावक श्राविकांनी या मंगल प्रवचनाचा लाभ घ्यावा असे आवाहन संयोजकांनी केले आहे.