नितीनोत्सवात १४२ रक्तदात्यांनी केले रक्तदान,तर २०० महिलांचे कॅन्सर प्रतिबंधक लसीकरण,विविध सामाजिक उपक्रमांनी स्व.नितीन जांभळेना अभिवादन

इचलकरंजी –

युवा नेते, इचलकरंजी नगरपरिषदेचे माजी बांधकाम समिती सभापती कै. नितीन अशोकराव जांभळे यांचा १० एप्रिल रोजी साजरा होणारा वाढदिवस यंदा नितीनोत्सव म्हणून साजरा करण्यात आला. या निमित्ताने गुरुवार १० एप्रिल आणि शुक‘वार ११ एप्रिल रोजी नितीन जांभळे फौंडेशन व राष्ट्रवादी काँग्रेस पार्टी यांच्या वतीने मोफत आरोग्य तपासणी शिबीर आयोजित करण्यात आले,शिबिरास उस्फुर्त प्रतिसाद लाभला. त्याचबरोबर नितीन जांभळे फौंडेशन व राष्ट्रवादी काँग्रेस पार्टीच्या वतीने वृक्षारोपण करण्यात आले.

या शिबीरात प्रामुख्याने १४२ जणांनी रक्तदान केले,रक्तदान २०० स्त्रियांना गर्भाशयाच्या मुखाच्या कर्करोगापासून संरक्षणासाठी एचपीवी लसीकरण करण्यात आले. महाआरोग्य शिबीर, वृक्षारोपण आदी कार्यक्रम संपन्न झाले.शिबीर सकाळी ९ ते दुपारी ३ या वेळेत अशोका हायस्कुल गणेशनगर याठिकाणी पार पडले. महाआरोग्य  शिबिराचे उद्घाटन राष्ट्रवादी काँग्रेस पार्टी जिल्हा अध्यक्ष बाळासाहेब पाटील (असुरलेकर),अनिल साळोखे( जिल्हा कार्याध्यक्ष),माजी बांधकाम सभापती लतिफ भाई गैबान,अमित गाताडे, रवींद्र माने (शिवसेना जिल्हाप्रमुख) भाऊसा आवळे (शहर प्रमुख शिवसेना) उदय लोखंडे (उद्योगपती) तसेच राजकीय सामाजिक शैक्षणिक क्षेत्रातील सर्वच प्रमुख मान्यवर तसेच राष्ट्रवादी काँग्रेस पार्टीचे प्रमुख कार्यकर्ते पदाधिकारी यांच्या शुभहस्ते फीत कापून करण्यात आले.भागातील तमाम माता-भगिनी महिलांनी या आरोग्य शिबिराचा लाभ घेतला. व जास्तीत जास्त तरुणांनी  रक्तदान करून आपली सामाजिक बांधिलकी जोपासली.

गुरुवार १० एप्रिल रोजी एम.एस.आय. ब्लड बँक सांगली यांच्या सौजन्याने रक्तदान शिबीर आणि हसन मुश्रीफ फौंडेशन कागल यांच्या सौजन्याने ९ ते २६ वर्षे वयोगटातील मुलींसाठी लसीकरण करण्यात आले. तर शुक्रवार ११ एप्रिल रोजी सेवासदन निरामय हॉस्पिटल व लोककल्याण  ट्रस्ट यांच्या सहकार्याने महाआरोग्य शिबीर घेण्यात आले. या शिबीरात एचबीसीबीसी, शुगर, कॅल्शियम, थायरॉईडस कि‘एटिनिन व एचआयव्ही आदी चाचण्या मोफत केल्या गेल्या.यावेळी मा.आमदार अशोकराव जांभळे, सुहास जांभळे यांच्यासह कार्यकर्ते उपस्थित होते.