इंधन दरवाढीच्या विरोधात इचलकरंजीत काँग्रेसचे आंदोलन; प्रांताधिकाऱ्यांना निवेदन.
इचलकरंजी:
केंद्र सरकारने नुकतीच घरगुती गॅस दरात ५० रुपयांची आणि पेट्रोल-डिझेलवरील अबकारी करात प्रतिलिटर २ रुपयांची वाढ जाहीर केली आहे. या दरवाढीच्या निषेधार्थ इचलकरंजी शहर काँग्रेस कमिटीच्या वतीने आज शहरात जोरदार आंदोलन करण्यात आले. सिलेंडरसह करण्यात आलेल्या या आंदोलनात सरकारच्या विरोधात तीव्र घोषणाबाजी करत निषेध व्यक्त करण्यात आला.
आंदोलनाच्या वेळी काँग्रेस शिष्टमंडळाने प्रांताधिकारी यांना निवेदन सादर करत दरवाढ त्वरित मागे घेण्याची मागणी केली. केंद्र सरकारने आंतरराष्ट्रीय बाजारात कच्च्या तेलाचे दर घसरले असताना देशांतर्गत इंधन दर वाढवणे हे सर्वसामान्य जनतेच्या हिताविरोधी असल्याचा आरोप यावेळी करण्यात आला. ही दरवाढ तात्काळ मागे न घेतल्यास अधिक तीव्र आंदोलन छेडण्यात येईल, असा इशाराही काँग्रेसकडून देण्यात आला.
या आंदोलनात प्रदेश काँग्रेस सचिव शशांक बावचकर, बाबासो कोतवाल, युवराज शिंगाडे, किशोर जोशी, तौसिफ लाटकर, बिसमिल्ला गैबान, वैदिका कळंत्रे, रवि वासुदेव, रमजान शिकलगार, योगेश कांबळे, अनिल पच्छिंद्रे, चंद्रकांत मेस्त्री, आण्णा कांबळे आदींसह पदाधिकारी व कार्यकर्ते मोठ्या संख्येने सहभागी झाले होते.
फोटो-
इंधन दरवाढी विरोधात आंदोलन करताना काँग्रेसचे पदाधिकारी
संजय काटकर यांना निवेदन देताना शशांक बावचकर,बिस्मिल्ला गैबान,किशोर जोशी,रवी वासुदेव,बाबासो कोतवाल,वेदिका कळंत्रे व इतर
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
