इचलकरंजीत  पंचकल्याणक महामहोत्सव  उत्साहात प्रारंभ, ध्वजारोहण मंडप उद्घाटन, हत्तीवरून भव्य जलकुंभ मिरवणुकीने महोत्सवाची सुरुवात :२२ एप्रिल पर्यंत  विविध धार्मिक आणि सांस्कृतिक कार्यक्रमाचे आयोजन.

इचलकरंजी

 दक्षिण भारत जैन सभेच्या येथील दिगंबर जैन बोर्डिंग च्या आवारात असलेल्या श्री १००८ चंद्रप्रभ तीर्थंकर जीन मंदिरात  पंचकल्याण प्रतिष्ठा  व विश्वशांती महायज्ञ  महामहोत्सवास ध्वजारोहण मंडप उद्घाटन, हत्तीवरून भव्य जलकुंभ मिरवणुकीने उत्साहात सुरुवात झाले.२२ एप्रिल पर्यंत हा महोत्सव होत असून या कालावधीत विविध धार्मिक आणि सांस्कृतिक कार्यक्रम होणार आहेत.

 इचलकरंजी जैन बोर्डिंगच्या आवारात १९९९ मध्ये श्री १००८ चंद्रप्रभू मंदिराची उभारणी होऊन या मंदिराचा पंचकल्याण प्रतिष्ठा महोत्सव आचार्य रत्न बाहुबली मुनी महाराज यांच्या सानिध्यामध्ये पार पडला. या महोत्सव ला २५ वर्ष पूर्ण झाल्याबद्दल जीन मंदिरातील गर्भग्रहांमध्ये श्वेतवर्णी नयन मनोहर चंद्रप्रभू तीर्थंकर पद्मासनस्थ नूतन प्रतिमा विराजमान करून त्याची पंचकल्याण  प्राणप्रतिष्ठा पूजा महोत्सव होत आहे.

   सकाळी नांदी मंगल व मंगलवाद्य घोष झाल्यानंतर सौधर्म इंद्राणी  सौ सुरागी व आदित्य तेरदाळे यांची हत्तीवरून मिरवणूक काढण्यात आली. त्यानंतर मंदिर व मंडपासमोरील  ध्वजारोहण मंडप उद्घाटन डॉ. सौ अर्चना व आशुतोष बाळासाहेब लांडे तर मंडप उद्घाटन व दीप  प्रज्वलन डॉ.बाळासाहेब लांडे यांच्या हस्ते झाले.मंगल  कलश स्थापना अंकिता व सौरभ सुहास हाळे यांच्या हस्ते तर मंडप विधी जिनबिंब स्थापना तृप्ती व सम्मेद अशोक मगदूम यांच्या हस्ते झाले. त्यानंतर आचार्यांना निमंत्रण देण्यात आले सकाळी परिसरातून हत्तीवरून भव्य जलकुंभ मिरवणुकीस प्रारंभ झाला. यावेळी हत्तीवरून जलकुंभ आणण्याचा मान सुमेधा व प्रतिक रवींद्र पाटील यांना मिळाला. पंचामृत अभिषेक महा शांतीधारा मंदिर व वेदिक शुद्धी असे कार्यक्रम पार पडले. दुपारी उपस्थित आचार्य श्रींचे मंगल प्रवचन झाले. यावेळी दिगंबर जैन बोर्डिंग स्थापनेपासून असलेल्या पदाधिकाऱ्यांचा सन्मान करण्यात आला.  सायंकाळी हत्तीवरून परिसरातून ध्वजपीठ मिरवणूक काढण्यात आली. त्यानंतर रात्री दिपोत्सव मंगल आरती गर्भ कल्याण पूर्वार्ध असे कार्यक्रम झाले. संगीत आरतीने महोत्सवाच्या पहिल्या दिवसाची समाप्ती झाली.

    हा सोहळा आचार्यत्न बाहुबली मुनी महाराज यांचे परमशिष्य आचार्य १०८ श्री जीनसेन मुनी महाराज व क्षुल्लकरत्न परमपूज्य श्री १०५ समर्पण सागर महाराज  श्री लक्ष्मीसेन भट्टारक भट्टाचार्य महास्वामी कोल्हापूर यांच्या पावन उपस्थितीत होत आहे. हा महोत्सव प्रतिष्ठाचार्य पंडित डॉ. सम्मेद उपाध्ये साजणी यांच्या मार्गदर्शनाखाली संपन्न होत आहे.

    महोत्सव समितीचे अध्यक्ष रवींद्र पाटील उपाध्यक्ष सुभाष बलवान,बाबासो हुपरे, नरेंद्र केटकाळे, पार्श्वनाथ पाटील यांच्यासह समिती सदस्य दिगंबर जैन बोर्डिंग, वीर सेवा दल आणि वीर महिला मंडळाचे पदाधिकारी उपस्थित होते.

 गुरुवार चे कार्यक्रम

 महोत्सवाच्या दुसऱ्या दिवशी गुरुवारी सकाळी पंचामृत अभिषेक, जलकुंभ आणणे,शांतीधारा यागमंडल आराधना,कुबेर द्वारा रत्नवृष्टी, १६ स्वप्न दर्शन, गर्भवती महिलांचे गर्भसंस्कार,गर्भ कल्याण उत्तरार्ध असे कार्यक्रम होणार आहेत.