इचलकरंजीत घराजवळ झोपलेल्या व्यक्तीवर हल्ला; सुरज सलीम शेखविरोधात गुन्हा दाखल

इचलकरंजीत घराजवळ झोपलेल्या व्यक्तीवर हल्ला; सुरज सलीम शेखविरोधात गुन्हा दाखल

इचलकरंजी :

लालनगर परिसरात एका व्यक्तीवर घराजवळ झोपले असताना शहाबादी फरशीचा तुकडा मारून गंभीर दुखापत केल्याची घटना घडली आहे. या प्रकरणी आरोपी सुरज सलीम शेख (रा. लालनगर, इचलकरंजी) याच्याविरोधात इचलकरंजी पोलीस ठाण्यात गुन्हा दाखल करण्यात आला आहे.

फिर्यादी अब्दुल बाबालाल अंकली (वय ४८ व्यवसाय मजुरी, रा. लालनगर, इचलकरंजी) यांनी दिलेल्या तक्रारीनुसार, दि. १७ एप्रिल रोजी रात्री १०वाजता ते त्यांच्या घरासमोर झोपले होते. यावेळी दि.१८ एप्रिलच्या पहाटे सुमारे ३ वाजण्याच्या सुमारास आरोपी सुरज सलीम शेख याने काही कारण नसताना शहाबादी फरशीचा तुकडा फिर्यादीच्या तोंडावर मारून त्यांना जखमी केले.

या घटनेनंतर जखमी अब्दुल अंकली यांना तात्काळ उपचारासाठी इंदिरा गांधी सामान्य रुग्णालयात दाखल करण्यात आले आहे. याबाबत दाखल तक्रारीनुसार शहापूर पोलीस ठाण्यात गुन्हा दाखल करण्यात आला आहे.

पुढील तपास पोलीस उपनिरीक्षक बेग यांच्या मार्गदर्शनाखाली सुरू आहे. तसेच आरोपी सुरज शेख याच्यावर याआधीही इचलकरंजी पोलीस ठाण्यात गुन्हा दाखल असल्याची नोंद आहे.