इचलकरंजीच्या तन्वी बांगड राज्यस्तरीय हनुमान चालीसा गायन स्पर्धेत प्रथम
इचलकरंजी (प्रतिनिधी- राजेश बांगड):
महाराष्ट्र प्रदेश माहेश्वरी युवा संघटनाच्या वतीने संपूर्ण महाराष्ट्र पातळीवर आयोजित हनुमान चालीसा गायन स्पर्धेत इचलकरंजीच्या तन्वी अरुण बांगड हिने प्रथम क्रमांक पटकावला आहे.
ही स्पर्धा वयोमर्यादा गटांनुसार घेण्यात आली होती, ज्यामध्ये महाराष्ट्रातील शेकडो स्पर्धकांनी सहभाग घेतला. ११ ते १६ वयोगटात, तन्वी बांगड हिने कर्नाटकी शास्त्रीय पद्धतीने हनुमान चालीसा सादर करत संपूर्ण राज्यातून प्रथम क्रमांक मिळवण्याचा मान मिळवला.
तन्वीच्या या यशाबद्दल इचलकरंजी परिसरात कौतुकाचा वर्षाव होत असून, तिने संगीत क्षेत्रात आणखी मोठी भरारी घ्यावी, अशा सदिच्छाही व्यक्त केल्या जात आहेत.यासाठी तन्वीला आई पुनम व वडील अरुण बांगड यांचे मार्गदर्शन लाभले.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
