इचलकरंजी महानगरपालिका वर्धापन दिनाचे औचित्य साधून जुन महिन्यात विविध कार्यक्रमांचे आयोजन-आयुक्त तथा प्रशासक पल्लवी पाटील.इमनपा आणि ज्ञानेश्वर मुळे फौंडेशन यांच्या संयुक्त विद्यमाने रोजगार मेळाव्याने कार्यक्रमाचा शुभारंभ

इचलकरंजी

२९ जुन २०२५ रोजी इचलकरंजी महानगरपालिकेचा

तिसरा वर्धापन दिन आहे. वर्धापन दिनाचे औचित्य साधून आयुक्त तथा प्रशासक पल्लवी पाटील यांच्या संकल्पनेनुसार  जुन महिन्यात महानगरपालिका प्रशासन आणि शहरातील सामाजिक स्वयंसेवी- संस्थांच्या माध्यमातून स्वच्छता अभियान, शहर सौंदर्यीकरण स्पर्धा, ग्रंथ दिंडी, वृक्ष दिंडी, वृक्षारोपण, क्रीडा स्पर्धा, महिलांसाठी व्याख्यान, त्रैभाषिक कवी संमेलन, आरोग्य शिबीर, रक्तदान शिबीर, चित्रकला स्पर्धा, शालेय विद्यार्थ्यांसाठी निबंध स्पर्धा अशा विविध कार्यक्रमांचे आयोजन करणेत येणार आहे.

           तिसऱ्या वर्धापन दिनाच्या अनुषंगाने होत असलेल्या कार्यक्रमांचा औपचारिक शुभारंभ मान्यवरांच्या उपस्थितीमध्ये शहरातील नागरिकांप्रती देय भावनेचा विचार करून युवकांना रोजगाराच्या संधी उपलब्ध करून देण्याच्या दृष्टीने रविवार दि. १ जुन रोजी सकाळी ९ ते सायंकाळी ६ या वेळेत राजर्षी छत्रपती शाहू हायस्कूल येथे इचलकरंजी शहर आणि परिसरातील युवक आणि युवतीं साठी  जवळपास ४० नामांकित कंपन्यांच्या उपस्थितीत रोजगार मेळाव्याचे आयोजन करुन करणेत येणार आहे.