महानगरपालिका आयुक्त तथा प्रशासक पल्लवी पाटील यांनी फॉर्च्यून प्लाझा यांच्या सहकार्याने केले सफाई कर्मचाऱ्यांच्या करीता ‘आता थांबायचं नाय’ या चित्रपटाचे  आयोजन

इचलकरंजी

       सध्या संपूर्ण राज्यात ‘आता थांबायचं नाय ‘ हा मराठी चित्रपट प्रदर्शित झालेला आहे. हा चित्रपट बृहन्मुंबई महानगरपालिकेच्या सफाई कर्मचाऱ्यांच्या जीवनावर आधारित आहे. यामध्ये सफाई कर्मचाऱ्यांच्या दैनंदिन कार्यालयीन कामकाजामध्ये त्याचबरोबर त्यांच्या वैयक्तिक आणि कौटुंबिक आयुष्यामध्ये येत असलेल्या अडचणी, समस्या यामध्ये  प्रामुख्याने सफाई कर्मचाऱ्यांचे अर्धवट सोडून द्यावे लागलेले शिक्षण, मुलां मुलींचे शिक्षण इत्यादी बाबींचा समावेश आहे.

        हि बाब विचारात घेऊन महानगरपालिका आयुक्त तथा प्रशासक पल्लवी पाटील यांनी

 फॉर्च्यून प्लाझा व्यवस्थापनाच्या सहकार्याने फॉर्च्यून प्लाझा  चित्रपट गृहात  प्रामुख्याने महानगर पालिकेच्या सफाई कर्मचाऱ्यांसह इतर कर्मचाऱ्यां साठी ‘आता थांबायचं नाय’ हा चित्रपट दाखविणेचे नियोजन केले होते.

       चित्रपट पाहण्यासाठी आयुक्त तथा प्रशासक पल्लवी पाटील, अतिरिक्त आयुक्त सुषमा शिंदे, सहा.आयुक्त विजय राजापुरे, वैद्यकीय आरोग्य अधिकारी डॉ.सुनिलदत्त संगेवार आदी उपस्थित होते.

       महानगरपालिका आरोग्य विभागाकडील सफाई कर्मचारी यांनी या चित्रपटाचा लाभ घेवुन हा चित्रपट पाहील्यानंतर भावनीक होवून सदर चित्रपटातील कलाकारांच्या भूमिकेमध्ये आपलीच व्यक्तीरेखा साकारली आहे अशी भावना काही कर्मचाऱ्यांनी यावेळी व्यक्त केली.