खा.श्रीकांत शिंदे यांचा जनसंवाद दौरा आज इचलकरंजीत

इचलकरंजी-

आगामी विधानसभा निवडणूकीच्या निमित्ताने खासदार श्रीकांत शिंदे यांच्या नेतृत्वाखाली राज्यातील विधानसभानिहाय ‘जनसंवाद दौरा’ सुरु करण्यात आला आहे. त्या अनुषंगाने खासदार श्रीकांत शिंदे हे मंगळवार ३ सप्टेंबर रोजी इचलकरंजीत येत आहेत. यावेळी ते सायंकाळी ६ वाजता महेश क्लब येथे इचलकरंजी व हातकणंगले विधानसभा मतदारसंघातील लोकप्रतिनिधी व प्रमुख पदाधिकार्‍यांशी संवाद साधणार आहेत, अशी माहिती शिवसेना जिल्हाप्रमुख रवींद्र माने यांनी दिली.

आगामी निवडणूकांच्या पार्श्‍वभूमीवर मुख्यमंत्री एकनाथ शिंदे यांच्या मार्गदर्शनाखाली खासदार श्रीकांत शिंदे यांची कोल्हापूर जिल्ह्यावर लक्ष्य केंद्रीत केले आहे. याचनिमित्ताने सध्या राज्यभर जनसंवाद दौरा सुरु आहे. त्यानिमित्ताने ते ३ सप्टेंबर रोजी कोल्हापूर जिल्हा तर ४ सप्टेंबर रोजी सांगली जिल्ह्यात दौरा करणार आहेत. यामध्ये इचलकरंजीत मंगळवारी (३ सप्टेंबर) सायंकाळी ६ वाजता महेश क्लब याठिकाणी हातकणंगले व इचलकरंजी विधानसभा मतदारसंघातील लोकप्रतिनिधी, प्रमुख पदाधिकारी व कार्यकर्त्यांशी संवाद साधणार आहेत. त्यानंतर ७.३० वाजता शिरोळ विधानसभा मतदारसंघातील पदाधिकारी व कार्यकर्त्यांशी संवाद साधतील.