बंडोपंत मुसळे दाम्पत्याचा मदन कारंडे यांना पाठिंबा.

इचलकरंजी :

शहापूर येथील माजी शिक्षण सभापती मंगल बंडोपंत मुसळे यांनी महाविकास आघाडीचे उमेदवार मदन कारंडे यांना जाहीर पाठिंबा दिला. बुधवारी माजी उपनगराध्यक्ष रणजीत जाधव यांनी दिलेल्या पाठिंबा नंतर शहापूर भागातील मुसळे यांनी दिलेल्या पाठिंबामुळे महाविकास आघाडीमध्ये चैतन्याचे वातावरण निर्माण झाले आहे.

               बंडोपंत मुसळे हे पूर्वी शिवसेना व नंतर राष्ट्रवादी पक्षामध्ये होते. राष्ट्रवादीतील जांभळे गटाकडून त्यांना नगरपालिकेमध्ये शिक्षण सभापती पदही देण्यात आले होते. प्रभागामध्ये नागरिकांच्या सोयी सुविधेसाठी लागणारे पाणी, स्वच्छता व आरोग्य याकडे त्यांचे सातत्याने लक्ष असते. त्यामुळे या भागामध्ये त्यांचा मोठा प्रभाव आहे. गुरुवारी सकाळी त्यांनी कारंडे यांना पाठिंबा दिला. यावेळी सुनील शिंदे, प्रमोद वेताळ, श्रीकांत मुसळे, सोमनाथ टकले, सचिन आहिरेकर, पिंटू मगदूम, बशीर मोमीन मामू, सर्जेराव कदम, दादा पाटील आदी उपस्थित होते.