१०० रुपयांच्या मुद्रांकाची सक्ती केल्याने इचलकरंजीत मुद्रांक विक्री बंद

उपकोषागार कार्यालय इचलकरंजी येथुन मागणीप्रमाणे ५०० रुपयांचे मुद्रांक मिळत नसलेने मुद्रांक विक्री बंद करण्याचा निर्णय विक्रेत्यानी घेतला आहे.

इचलकरंजी येथील उपकोषागार कार्यालयात उपलब्ध असलेले ५००/- रुपयेचे मुद्रांक आमच्या मागणीप्रमाणे पुरवठा होत नसून त्याबाबत झालेल्या चर्चेवेळी त्यांना त्यांचे वरीष्ठ कार्यालयाकडुन तोंडी आलेल्या सुचनेनुसार १००/- रुपयेचे कमीत कमी ३०० नग घेतलेस तरच ५००/- रुपयेचे ३० नग मिळतील असे अधिकारी वर्गाने सांगितले परंतु यापुर्वी आम्ही घेतलेले १००/- मुद्रांक साठा आमच्याकडे भरपुर उपलब्ध असल्याने व त्याची जनतेकडुन मागणी नसलेने सदरचा तोंडी आदेश आमचे इचलकरंजी येथील मुद्रांक विक्रेत्यांवर लादला जात आहे.त्यामुळे  एक मताने २६ डिसेंबर इचलकरंजी उपकोषागार कार्यालयात उपलब्ध असलेले ५००/- रुपयाचे मुद्रांक विक्रेत्यांच्या मागणीप्रमाणे पुरवठा होत नाही तोपर्यंत मुद्रांक विक्री बंद करण्याचा निर्णय कोल्हापूर जिल्हा मुद्रांक व्यावसायिक संघाने घेतला असून मुद्रांक विक्री वही मा. सह-दुय्यम निबंधकसाो वर्ग २, कार्यालय क्रमांक १ यांचे कार्यालयात जमा करीत आहोत असे निवेदनाद्वारे कळवले असून याच्या प्रती

मा.उपविभागीयअधिकारीसाो इचलकरंजी विभाग,मा. अप्पर तहसिलदारसो, इचलकरंजी.मुख्य कोषागार कार्यालय कोल्हापुर, सह-दुय्यम निबंधक वर्ग २, कार्यालय क्रमांक १,सह-दुय्यम निबंधक वर्ग २, कार्यालय क्रमांक २,

उपकोषागार कार्यालय इचलकरंजी यांना देण्यात आल्या आहेत.

निवेदनावर संजय घोरपडे,विश्वनाथ घाटगे,ज्ञानोबा कोपार्डे,पंडीत सुतार,भाऊसाहेब पाटील,ज्ञानेश्वर जोशी,विजयकु‌मार हावळे,श्रीकांत सातपुते,श्रीकांत हणबर,कादर तहसिलदार,पारीसा वाटेगावे,स्मीता जाधव यांच्या सह्या आहेत.