मतदार यादीत स्थलांतरित पद्धतीने वाढलेल्या नावाची तपासणी करा- महाविकास आघाडी

इचलकरंजी :

इचलकरंजी येथील विधानसभा मतदार संघाच्या मतदार यादी मध्ये ऑनलाइन पद्धतीने मतदार ट्रान्सपोर्ट करून नोंदणी होत आहे.याबाबत मतदारांच्या पत्त्याची पुराव्यांशी काटेकोर तपासणी करून चुकीच्या गोष्टीवर आळा घालावा, अशा मागणीचे निवेदन महाविकास आघाडीच्या वतीने  निवडणुक निर्णय अधिकारी मोसमी बर्डे-चौगुले यांना  देण्यात आले.

            निवेदनात, हातकणंगले विधानसभा मतदारसंघातील समाविष्ट असणाऱ्या हुपरी, रेंदाळ, रांगोळी व अन्य नोंदणीकृत मतदारांची नोंद कमी करून बोगस पत्त्याचा पुरावा जोडून मतदार यादीत ऑनलाइन पद्धतीने करण्याचा प्रयत्न सुरू आहे. तरी याबाबत इचलकरंजी विधानसभा मतदारसंघ मतदार नव्याने समाविष्ट होणाऱ्या प्रत्येक मतदाराच्या पत्त्याचा पुरावा काटेकोरपणे तपासणी करावी अशी मागणी केली आहे.यावेळी मदन कारंडे,शशांक बावचकर, संजय कांबळे,सयाजी चव्हाण,सागर चाळके, प्रकाश मोरबाळे,भरमा कांबळे,सदा मलाबादे आदी उपस्थित होते.