प्र.आयुक्त तथा प्रशासक सुषमा शिंदे यांची कुरुंदवाड येथे पाईपलाईन गळती झालेल्या ठिकाणची आणि मजरेवाडी पाणी उपसा केंद्राची पाहणी.

         इचलकरंजी शहरास पाणीपुरवठा करणेत येत असलेल्या कृष्णा पाणी पुरवठा योजनेच्या मजरेवाडी कडून येणारी जूनी पाण्याच्या दाबनलिकेस गुरुवार दि.०५ डिसेंबर रोजी  कुरुंदवाड शहरात महाराणाप्रताप चौक , कुरुंदवाड हायस्कूल जवळ गळती लागल्यामुळे इचलकरंजी शहरास होत असलेला पाणी पुरवठा गुरुवारी दुपार ४.०० वाजले पासून तातडीने बंद करणेत आलेला होता.

        सदर ठिकाणची गळती काढणेचे काम महानगर पालिकेच्या वतीने तातडीने हाती घेतलेले आहे.  या गळती काढणे च्या कामाच्या ठिकाणी आज शुक्रवार दि.६ डिसेंबर रोजी प्र.आयुक्त तथा प्रशासक सुषमा शिंदे यांनी भेट देऊन गळती काढणेचे काम तातडीने पूर्ण करण्याच्या सूचना कार्यकारी अभियंता सुभाष देशपांडे यांना दिल्या.

   त्याचबरोबर प्र.आयुक्त सुषमा शिंदे यांनी  मजरेवाडी येथील पाणी उपसा केंद्र येथे सुद्धा भेट देऊन सदर उपसा केंद्राची सविस्तर माहिती घेतली.

    याप्रसंगी विद्युत अभियंता अभय शिरोलीकर, शाखा अभियंता बाजी कांबळे, संदीप जोशी आदी उपस्थित होते.