डॉ.ज्ञानेश्वर मुळे फौंडेशनतर्फे इचलकरंजी येथे रविवारी नोकरी महामेळावा.
इचलकरंजी
डॉ.ज्ञानेश्वर मुळे फौंडेशन,राहुल खंजिरे युथ फौंडेशन व नाईट कॉलेज यांच्यावतीने नोकरी महामेळावा रविवार दिनांक २२ डिसेंबर रोजी सकाळी ९ ते ६ या वेळेत नाईट कॉलेज,इंडस्ट्रीयल इस्टेट येथे आयोजित केल्याची माहिती डॉ ज्ञानेश्वर मुळे फौंडेशच्या इचलकरंजी शहराध्यक्ष सौ नेहा कुंभार यांनी पत्रकार परिषदेत दिली.
इचलकरंजी व आसपासच्या गावातील २,००० पेक्षा जास्त तरुणांना या मेळाव्यातून नोकरीची सुवर्णसंधी उपलब्ध होणार आहे. यामध्ये ५० पेक्षा जास्त कंपन्यांचा सहभाग असून तसेच या मेळाव्यात आंतरराष्ट्रीय कंपनाही सहभागी सहभागी होणार आहे.
इचलकरंजीत १७ ऑगस्ट रोजी डॉ. ज्ञानेश्वर मुळे फाउंडेशनची स्थापना करून विविध सामाजिक उपक्रम राबवत असून त्यामध्ये वृक्षारोपण, आरोग्य तपासणी शिबिरासोबत स्किल डेव्हलपमेंट कोर्सेसच्या मोफत बॅचेस सुरू आहेत. विद्यार्थ्यांच्या उज्वल भविष्यासाठी डॉ.ज्ञानेश्वर मुळे यांच्या प्रेरणेने आणि मार्गदर्शनाने इचलकरंजीत हा नोकरी महामेळावा नाईट कॉलेज ऑफ आर्ट्स अँड कॉमर्स इचलकरंजी या ठिकाणी हा नोकरी महामेळावा संपन्न होणार आहे.
८ वी पासून पुढे शिक्षण झालेल्या विद्यार्थ्यांना या महामेळाव्या द्वारे नोकरीची संधी मिळणार आहे. या नोकरी महामेळाव्यासाठी परदेशासह भारतातील विविध राज्यातील नामवंत कंपन्यांचे प्रतिनिधी उपस्थित राहणार आहेत. कोल्हापूर जिल्ह्यासाठी विशेषतः ग्रामीण भागातील युवक-युवतींनी या नोकरी महामेळाचा लाभ घ्यावा असे आव्हान फाउंडेशनच्या वतीने करण्यात आले आहे.यावेळी प्रभारी प्राचार्य विरुपाक्ष खानाज,नितीन माने,शारदा पाटील,डॉ माधव मुंडकर उपस्थित होते.
मोफत प्रवेश
यासाठी कंपनी व उमेदवार यांना मोफत प्रवेश असून qjpr या अँप द्वारे मोफत नोंदणी करण्यात येत असून ज्यांना कर्मचारी पाहिजेत त्यांचीही नोंद मोफत करण्यात येत आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
