इचलकरंजी महानगरपालिकेच्या वतीने अधिकारी कर्मचारी यांचेसाठी संपूर्ण योग स्वास्थ्य शिबीर संपन्न
इचलकरंजी
इचलकरंजी महानगरपालिका,महेश क्लब ऑफ इचलकरंजी आणि एस. एस. वाय. मित्र परिवार इचलकरंजी यांच्या संयुक्त विद्यमाने तसेच संगु गुरुजी चॅरिटेबल ट्रस्ट, भारत विकास परिषद नाशिक यांच्या सहकार्याने आयुक्त तथा प्रशासक ओमप्रकाश दिवटे यांच्या सुचनेनुसार महानगरपालिका अधिकारी कर्मचारी यांना प्रशासकीय स्वरूपाचे काम करीत असताना ताण तणावापासून मुक्त होऊन आरोग्य सुदृढ होण्यासाठी आंतरराष्ट्रीय पातळीवरील योग तज्ञ श्री.संगु गुरुजी यांचे योग शिबिराचे आयोजन करणेत आलेले होते.
या योग स्वास्थ्य शिबीरामध्ये
मार्गदर्शन करताना योगतज्ञ संगु गुरुजी यांनी निरोगी आरोग्यासाठी प्राधान्य द्यावे, योग आणि आहार शास्त्राचा वापर करावा तसेच विनाकारण आनंदी राहायला शिका जेणेकरून आपले आरोग्य सुदृढ होईल असे मत व्यक्त केले.
यावेळी उपायुक्त प्रसाद काटकर, उपायुक्त स्मृती पाटील,महेश क्लब ऑफ इचलकरंजीचे
भगवानदासजी जाजु, मुख्य लेखा परीक्षक आरती खोत, सहा. आयुक्त रोशनी गोडे, सहा.आयुक्त विजय राजापुरे यांचेसह महानगरपालिका अधिकारी कर्मचारी मोठ्या संख्येने उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
