महावितरण कंपनी बसवत असलेल्या स्मार्ट मीटरला वीज ग्राहकांनी विरोध करावा व  महावितरण कंपनीकडे लेखी तक्रार दाखल करावी-महाराष्ट्र वीज ग्राहक संघटना

इचलकरंजी :-

इचलकरंजी शहरात गेल्या काही दिवसापासून महावितरण कंपनीकडून ग्राहकांना कोणतीही सूचना व माहिती न देता तुमचे मीटर खराब झालेले आहे मीटर बदलावयास आलो आहे असे सांगून महावितरण कंपनी स्मार्ट मीटर बसवत आहे स्मार्ट मीटर म्हणजेच स्मार्ट प्रीपेड मीटर आहे सध्या महावितरण कंपनी आपल्या विज वापराचे रीडिंग योग्य यावे व वेळेत आपणास बिल मिळावे अशी दिशाभूल करून जुने मीटर काढून नवीन मीटर बसवायचं काम चालू आहे  सदरचे काम पूर्णपणे चुकीचे व बेकायदेशीर आहे कारण ग्राहकाने स्वतः तक्रार  महावितरण कंपनीकडे मीटर बसवण्यासाठी किंवा बदलण्यासाठी केली असेल तरच मीटर बदलता येते स्मार्ट मीटर बसवून घ्यायचे किंवा नाही याचा सर्वस्वी अधिकार ग्राहकाला आहे. महावितरण कंपनीला लेखी स्वरूपात अर्ज दाखल करणे गरजेचे आहे आज बसवत असलेले स्मार्ट मीटर हे प्रीपेड मीटरच आहे काही दिवसापूर्वी ऊर्जा मंत्र्यांनी स्मार्ट प्रीपेड मीटर हे फक्त शासकीय ऑफिसलाच बसवले जातील , छोट्या घरगुती, व्यापारी ग्राहकांना बसवणार नाही असे आव्हान सभागृहात जाहीर पणे केले होते. परंतु निवडणुकीचा कालखंड पूर्ण होताच सगळीकडे महावितरण कंपनी स्मार्ट प्रीपेड मीटर बसवण्याचे काम करत आहे सदरच्या कामासाठी ग्राहकांनी विरोध करावा व लेखी स्वरूपात तक्रार दाखल करावी सदरचे तक्रार अर्ज संघटनेच्या कार्यालयात उपलब्ध आहेत ते भरून ग्राहकाने महावितरण कंपनीला द्यावे आणि त्याची पोच घ्यावी. असे आव्हान महाराष्ट्र वीज ग्राहक संघटनेच्या वतीने सचिव जाविद मोमीन यांनी केले आहे.

महावितरण कंपनी आज स्मार्ट मीटर च्या नावावर जे मीटर बसवत आहेत ते भविष्यात कधीही कोणत्याही एका रात्री मध्ये प्रीपेड मीटर होऊ शकतात कारण यापूर्वी ज्या खाजगी कंपन्याना टेंडर देऊन जे मिटर खरेदी केले आहेत तेच मीटर बसवण्याचे काम आता चालू आहे यापूर्वी संपूर्ण महाराष्ट्रातून प्रीपेड मीटर विरोधात आंदोलन व निवेदनाद्वारे तक्रार करण्यात आली तेव्हा माननीय ऊर्जा मंत्रांनी सदरची योजना काही काळापुरती बंद केलेले होती व आज पुन्हा ती योजना महावितरण कंपनी अमलात आणत आहे त्यामुळे सर्वच ग्राहकांनी लेखी स्वरूपात महावितरण कडे तक्रार दाखल करावी असे आव्हान महाराष्ट्र विज ग्राहक संघटनेच्या वतीने करण्यात येत आहे.