चायनिज मांजा,सिंथेटिक,नायलॉन धागा इत्यादी विक्री व वापरावर कारवाईचे अति.आयुक्त सुषमा शिंदे यांचे आदेश

इचलकरंजी

मा.राष्ट्रीय हरित लवाद न्यायाधिकरण, दिल्ली येथे दाखल मुळ याचिका क्र.३८४ /२०१६ आणि ४४२/२०१६ च्या अनुषंगाने मा. राष्ट्रीय हरित न्यायाधिकरण यांनी “पतंग उडवण्यासाठी वापरण्यात येणारे सिंथेटिक मांझा/नायलॉन धागा आणि इतर तत्सम सिंथेटिक धागे यांचे उत्पादन, विक्री, साठवणूक, खरेदी आणि वापर करण्यास मनाई करण्याबाबत दिनांक ११.०७.२०१७ रोजी आदेश दिले आहेत, सदर आदेशाच्या कार्यपालनाबाबत मा. मुख्य सचिव महोदयांनी दिनांक २९.११.२०२४ रोजीच्या पत्रान्वये निर्देश दिले आहेत.

पतंग उडवण्यासाठी वापरला जाणाऱ्या प्लास्टिक पासून किंवा (सिंथेटिक) कृत्रिम पदार्थापासून तयार केलेला चिनी मांजा, चिनी दोर किंवा नायलॉन किंवा (सिंथेटिक) कृत्रिम मांजा है, मनुष्य जातीला आणि पक्षांना इजा पोचवत असल्याचे व घातक आहे;

अशा धाग्याचे जैविकरित्या विघटन होत नसल्यामुळे मलप्रणाल, जलनिःसारण यंत्रणा, नद्या, ओढे, जलाशये अवरोधित होतात आणि असे जैविकरित्या विघटित न होणारे पदार्थ खाल्ल्यामुळे जनावरे गुदमरतात, यांसह पर्यावरणाचे अनेक मार्गाने नुकसान होते;

पक्षांच्या विवक्षित जाती दुर्मिळ होत आहेत किंवा विलुप्त होत आहेत, आणि अशा प्राणघातक पतंगीच्या धाग्याने किंवा मांज्याने होणाऱ्या दुखापती पासून संरक्षण करणे अत्यावश्यक आहे.

मनुष्य जातीवर व पक्षांवर होणारा प्रतिकूल परिणाम टाळण्याच्या दृष्टीने अथा प्लॅस्टिकच्या किंवा (सिंथेटिक) कृत्रिम धाग्याचा वापर करण्याबर इचलकरंजी शहरात प्रतिबंध घालणे आवश्यक असल्याने अतिरिक्त आयुक्त सुपमा शिंदे यांचे दालनामध्ये बैठक घेण्यात आली. या बैठकीमध्ये शहरात नायलॉन, चिनी घातक मांजा वापरावर प्रतिबंधक करणे, उपाययोजना याबाबत निर्णय घेण्यात आले. नायलॉन, चिनी घातक मांजा वापर, साठवण यावर दंडात्मक कारवाई व गुन्हे दाखल करण्यात येणार असून दंडात्मक कारवाई ५०००/- रुपये पर्यंत करण्यात येणार आहे. तसेच यात सुधारणा न झाल्यास पुन्हा वापर व विक्री साठवण आढळल्यास रक्कम रुपये ५०००/- दंडात्मक कारवाईसह गुन्हे दाखल करण्याची कारवाई करण्यात येणार आहे. तरी कोणीही नागरिक, विक्रेते यांनी नायलॉन, चायनीज व घातक मांजा विक्रीस ठेवू नये व वापरू नये असे सर्व दुकानदार व नागरिकांना आवाहन करण्यात करण्यात आले. संबंधित प्रभागांमध्ये चायनीज नायलॉन मांजा व घातक मांजा विक्री होणार नाही व वापरला जाणार नाही याबाबत प्रभाग अधिकारी व पथकावर जबाबदारी सोपवण्यात आली असून त्यांचे पथकामार्फत तसेच पोलीस प्रशासन यांच्या मदतीने जप्तीची कारवाई दंडात्मक कारवाई व गुन्हे दाखल करण्याची कारवाई होणार आहे. तरी नागरिकांना आवाहन करण्यात येते की नागरिकांनी चायनीज मांजा, नायलॉन मांजा याचा वापर विक्री व साठवण करू नये. ही बैठक अतिरिक्त आयुक्त सुषमा शिंदे, इचलकरंजी मनपा, यांच्या उपस्थितीत आली व या बैठकीस थी. एस. के. वायदंडे, सहाय्यक पोलीस निरीक्षक, श्री. व्ही. एस. घुगे, शिवाजीनगर पोलीस स्टेशन, डॉक्टर सुनीलदत्त संगेवार, आरोग्य अधिकारी, इचलकरंजी महानगरपलिका,  सुभाष आवळे, प्रभाग अधिकारी इ. उपस्थित होते.