प्रवासी दरवाढीविरोधात इचलकरंजी शहर काँग्रेसचे निवेदन

मइचलकरंजी

 महाराष्ट्र शासनाने नुकतीच एस.टी. महामंडळाच्या प्रवासी भाडे दरात १५ टक्के वाढ करण्याच्या प्रस्तावाला मंजुरी दिली आहे. या निर्णयाविरोधात इचलकरंजी शहर काँग्रेस पक्षाने कडाडून विरोध दर्शवला असून, त्वरित ही दरवाढ मागे घेण्याची मागणी केली आहे.

काँग्रेसतर्फे देण्यात आलेल्या निवेदनात स्पष्ट करण्यात आले आहे की, राज्यातील एस.टी. प्रवासी हे प्रामुख्याने आर्थिकदृष्ट्या दुर्बल व कष्टकरी वर्गातील आहेत. जवळपास ५५ लाख प्रवासी दररोज एस.टी. सेवेचा वापर करतात. अशा परिस्थितीत प्रवासी दरवाढ हा सामान्य जनतेच्या खिशाला कात्री लावणारा निर्णय आहे.

“यापूर्वी २०२१ मध्येही एस.टी. भाड्यात वाढ करण्यात आली होती. पुन्हा दरवाढ करून सरकार गोरगरीब आणि कष्टकरी जनतेवर आर्थिक बोजा टाकत आहे. ही दरवाढ तातडीने मागे घेतली नाही, तर काँग्रेस पक्ष महाराष्ट्र शासन व एस.टी. महामंडळाच्या विरोधात तीव्र आंदोलन छेडेल,” असे काँग्रेसच्या वतीने सांगण्यात आले.

काँग्रेसने सरकारला इशारा दिला आहे की, त्वरित हा निर्णय मागे न घेतल्यास राज्यभर जनआंदोलन उभारले जाईल. तसेच, सामान्य प्रवाशांना दिलासा देण्यासाठी हा अन्यायकारक निर्णय तात्काळ रद्द करण्यात यावा, अशी काँग्रेसची मागणी होती यावेळी प्रदेश सरचिटणीस शशांक बावचकर,प्रमोद खुडे,बाबासो कोतवाल, शशिकांत देसाई,अजित मिणेकर, किशोर जोशी,दिलीप पाटील,सचिन साठे, प्रमोद खुडे,ओंकार आवळकर, रवी वासुदेव,बिस्मिल्ला गैबान, दशरथ जावळे,यशवंत थोरात,राजु काटकर, ताजुद्दीन खतीब,अवधूत वडेकर,राजू किणेकर,जयेश कांबळे उपस्थित होते