दारूच्या नशेत शेजाऱ्याला मारहाण – शहापूर पोलिसांत गुन्हा दाखल
कोरोची:
शेजारी राहणाऱ्या व्यक्तीने दारूच्या नशेत शिवीगाळ करून वाद घालून शेजाऱ्याला मारहाण केल्याची घटना कोरोची येथे घडली. या प्रकरणी शहापूर पोलिसांनी गुन्हा दाखल केला असून पुढील तपास सुरू आहे.
मिळालेल्या माहितीनुसार, श्रीनिवास चंद्रकांत खंदारे (४४, व्यवसाय – ड्रायव्हर, रा. अमोल बेकरी पाठीमागे, कोरोची, ता. हातकणंगले, जि. कोल्हापूर) हे त्यांच्या घरी असताना शेजारी राहणारे रमेश वामन पिसाळ (६०) सतत दारू पिऊन कुटुंबियांना शिवीगाळ करत असतात हाच प्रकार सुरू असताना फिर्यादीने त्यांना समजावण्याचा प्रयत्न केला असता, वाद विकोपाला जाऊन झालेल्या मारहणीत कोयत्याने मारहाण केल्याने खंदारे जखमी झाले आहेत.या घटनेनंतर फिर्यादी यांनी आय.जी.एम. हॉस्पिटल, इचलकरंजी येथे उपचार घेतले आणि त्यानंतर शहापूर पोलीस ठाण्यात फिर्याद दिली.शहापूर पोलिसांनी गुन्हा दाखल केला असून या प्रकरणाचा पुढील तपास पोलीस हवालदार गायकवाड करीत आहेत.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
