इचलकरंजी प्रज्ञाशोध परीक्षेचा बक्षीस वितरण समारंभ उत्साहात संपन्न

इचलकरंजी

इचलकरंजी महानगरपालिकेच्या वतीने इयत्ता पहिली ते चौथीच्या विद्यार्थ्यांसाठी आयोजित करण्यात आलेल्या इचलकरंजी प्रज्ञाशोध परीक्षेचा बक्षीस समारंभ महानगरपालिका आयुक्त पल्लवी पाटील आणि उपायुक्त स्मृती पाटील यांच्या हस्ते  श्रीमंत नारायणराव घोरपडे नाट्यगृह येथे उत्साहात संपन्न झाला.

         यावेळी बोलताना नूतन आयुक्त पल्लवी पाटील यांनी भविष्यातील सर्व स्पर्धा परीक्षांचा पाया म्हणून या परीक्षेकडे पाहिले जाते. अशाच प्रकारच्या परीक्षां मधून यशस्वी होत एखादा विद्यार्थी भविष्यात मोठा अधिकारी बनून अशा बक्षीस समारंभाला उपस्थित राहील अशी अपेक्षा व्यक्त केली. उपायुक्त स्मृती पाटील यांनी यशस्वी विद्यार्थ्यांचे अभिनंदन करून भविष्यातही यश मिळवण्यासाठी विद्यार्थ्यांनी काय केले पाहिजे ते विषद केले. महानगरपालिका शिक्षण विभागाचे प्रशासन अधिकारी इरफान पटेल यांनी शिक्षण विभागाच्या कामाचा आढावा घेतला व यशस्वी विद्यार्थ्यांचे अभिनंदन केले. प्रास्ताविकात पर्यवेक्षक राजेंद्र घोडके यांनी आय.टी.एस परीक्षेची सविस्तर माहिती देऊन या परीक्षेचा फायदा विद्यार्थ्यांना भविष्यात होत असल्याचे नमूद केले. सूत्रसंचालन अलका शेलार यांनी तर आभार प्रदर्शन अनिल रावळ यांनी केले.कार्यक्रम यशस्वी होण्यासाठी श्रीकांत सोलगे आनंदा कोदले,गौस पटेल,दिलीप सुतार यांनी परिश्रम घेतले.यावेळी अदीप पाटील,धोंडीराम आंबेकर, सर्व मुख्याध्यापक,शिक्षक,पालक व विद्यार्थी मोठ्या संख्येने उपस्थित होते.