आजपासून महापालिकेचा भोंगा कार्यान्वित होणार.
इचलकरंजी
इचलकरजी शहरातील नागरिकांच्या सोईस्तव व सार्वजनिक सुरक्षिततेकरिता महानगरपालिकेमार्फत इचलकरंजी महानगरपालिका कार्यक्षेत्रातील जलशुद्धीकरण केंद्र येथे नव्याने बसविणेत आलेल्या आवाजी यंत्रणा (भोंगा) आजपासून कार्यान्वित करणेत येत आहे. त्यानुसार आवाजी यंत्रणा (भोंगा) दररोज सकाळी ६ व रात्री १० वाजता वाजविणेत येणार असल्याचे उपायुक्त स्मृती पाटील यांनी प्रसिद्धीपत्रकाद्वारे कळवले आहे.
भोंग्यासाठी इनामचा पाठपुरावा:
इचलकरंजी शहरात भोंगा बंद पडल्यानंतर इचलकरंजी नागरिक मंचमार्फत पाठपुरावा करण्यात आला होता, इनाम सदस्य दीपक पंडित यांनी यासाठी सातत्याने प्रयत्न केले होते.भोंगा चाचणीनंतर त्याची वेळ सकाळी ६ व रात्री ८ करण्यात आली होती,मात्र पूर्वीची वेळ रात्री १० असल्याने इनामने व सदस्यांनी त्यावर हरकती घेतल्या होत्या त्यानुसार महापालिका प्रशासनाने हरकतीचा विचार करून वेळ रात्री १० केली आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
