पाणीपुरवठा सुरळीत करा,रस्ते कामावर नियंत्रण ठेवा-महाविकास आघाडी 

इचलकरंजी

आज महाविकास आघाडीच्या शिष्टमंडळाने इचलकरंजी महानगरपालिका आयुक्त पल्लवी पाटील यांची भेट घेत स्वागत केले व पाणीपुरवठा सुरळीत करण्यासाठी निवेदन देत चर्चा केली. कृष्णा जलवाहिनी बदलण्याच्या कामातील विलंब व शहराला नियमित पाणीपुरवठा करण्याबाबत प्रश्न उपस्थित करत चर्चा करण्यात आली.

इचलकरंजी शहराला कृष्णा नदीतून मजरेवाडी उदभव धरून पाणीपुरवठा केला जातो. यातील ५.२ किलोमीटरची सातत्याने गळती लागणारी पाईपलाईन बदलण्याचे काम महाराष्ट्र शासनाने मंजूर केले होते. या कामाची निविदा इलेकॉन एनर्जी यांना मंजूर होऊन इचलकरंजी महानगरपालिकेने त्यांना वर्कऑर्डर जून २०२३ रोजी दिली होती.सदरचे काम पूर्ण करण्याची मुदत नऊ महिने म्हणजे मार्च २०२४ अखेर होती. यासंदर्भात मविआने सातत्याने पाठपुरावा केला असून अद्यापही या पाईपलाईन बदलाचे काम पूर्ण झालेले नाही. यासंदर्भात आम्ही महाविकास आघाडीच्या वतीने वेळोवेळी लेखी तोंडी मागणी करत चर्चा केली प्रशासनाने तातडीने हे काम पूर्ण करण्याचे आश्वासन दिले परंतु त्या कामांमध्ये कोणतीच प्रगती झालेली नसून अ‌द्यापही काम जैसे थे च आहे.वरील कामातील विलंबामु‌ळे शहराचा पाणीपुरवठा विस्कळीत झालेला आहे सध्या शहराला चार दिवस ते आठ दिवसातून एक वेळ पाणी पुरवठा केला जातो. फेब्रुवारी महिन्याच्या मध्यावर ही परिस्थिती असेल तर उन्हाळ्याच्या तीव्रतेच्या काळात शहराचे पाण्यावाचून प्रचंड हाल होणार आहेत वरील सर्व बाबींची गंभीरपणे दखल घेऊन कृष्णा पाईपलाईन योजनेचे काम तातडीने पूर्ण करणेत यावे. तसेच शहराचा सातत्याने विस्कळीत होणारा पाणीपुरवठा सुरळीत करावा अशी मागणी करण्यात आली यावर आयुक्तांनी १५ दिवसात मक्तेदारास काम पुर्ण करण्याचे आदेश दिले असल्याचे सांगितले.

सुळकुड योजना पूर्णत्वास नेण्यासाठी सर्वानी राजकारण विरहित प्रयत्न करण्याचे आवाहन उपस्थिताना केले.

यावेळी अजित जाधव,प्रधान माळी,प्रकाश मोरबाळे,राजु आलासे,नितीन कोकणे,मंगेश कांबुरे,अजित मिणेकर,बाबासो कोतवाल,सुशांत कोटगी,किशोर जोशी,गोविंद आढाव उपस्थित होते.