१५ दिवसात रस्ता न झाल्यास तीव्र आंदोलनाचा उबाठा शिवसेनेचा इशारा
इचलकरंजी
डेक्कन कॉर्नर चौक ते शहापूर चौकपर्यतचा रस्ता तातडीने करण्यात यावा याबाबतचे निवेदन शिवसेना उबाठा यांच्या वतीने आयुक्त पल्लवी पाटील यांना देण्यात आले.
डेक्कन कॉर्नर चौक ते दत्त मंदीर आंबेडकर नगर ते यशवंत विद्यामंदीर धनगर माळ ते शहापूर चौक ते मसोबा मंदीर पर्यंतचा रस्ता खराब झाला आहे,उखडलेला रस्ता व मोठमोठ्या खड्ड्यांमुळे वारंवार अपघात होत आहेत. तसेच वाहतूकीला मोठ्या प्रमाणात अडथळा होवून वाहतूक कोंडी निर्माण होत आहे. तसेच येत्या मार्च मध्ये शहापूर ग्रामदैवत श्री म्हसोबा यात्रा आहे ती मोठ्या प्रमाणात भरते. त्यावेळी तेथे मोठ्या प्रमाणात वर्दळ व वाहतूक असते. अशा वेळी मोठी दुर्घटना घडण्याची शक्यता आहे.
तरी वरील ठिकाणचा रस्ता ताबडतोब १५ दिवसाच्या आत डांबरीकरण (हॉट मिक्स) करून मिळावा,अन्यथा महानगरपालिकेवर भागातील नागरीकासह व पक्षाच्या वतीने उग्र आंदोलन छेडण्यात येईल असे निवेदनात म्हंटले आहे
यावेळी जिल्हाप्रमुख वैभव उगळे,शहरप्रमुख सयाजी चव्हाण, तालुकाप्रमुख आनंदा शेट्टी,
उपजिल्हाप्रमुख महेश बोहरा,मनोज भाट,शिवाजी पाटील,लक्ष्मण पाटील,बापूसो जाधव,सागर जाधव,दत्ता साळुंखे,अनिल भोसले,चारुआस बोराणे,मारुती बन्ने,अविनाश खांडेकर,अभिजीत लोले,काशिनाथ परीट,अनिल जुवे,गणेश जंगटे,सतिश लाटणे,शुभम चौगुले,धनाजी मोरे,चंद्रकांत नगरकर,उमेश पाटील,रतन वाझे उपस्थित होते.
