६ एप्रिल भाजपा स्थापना दिवस मोठ्या उत्साहात साजरा
इचलकरंजी ता.
भारतीय जनता पार्टीचे इचलकरंजी शहर कार्यालय येथे भारतीय जनता पार्टी वर्धापन दिन मोठ्या उत्साहात व आनंदात विविध कार्यक्रमांनी साजरा करण्यात आला. यावेळी पक्षाचा ध्वज काठी पूजन महिला आघाडीच्या वतीने करून माजी मंत्री प्रकाश आवाडे यांच्या हस्ते ध्वज फडकवून कार्यक्रमास सुरुवात झाली.
इचलकरंजी शहरांमध्ये पक्षाच्या कार्यकर्त्यांनी आपापल्या घरावरती ध्वज फडकवून वर्धापन दिन साजरा केला. यावेळी भाजपा प्रदेश उपाध्यक्ष सुरेश हाळवणकर यांनी कार्यकर्त्यांना पक्षाच्या वर्धापन दिनानिमित्त शुभेच्या देऊन पक्ष स्थापनेपासूनचा आतापर्यंतचा इतिहास, पक्षाची जडणघडण तसेच माजी पंतप्रधान स्वर्गीय अटल बिहारी वाजपेयी यांनी केलेली भविष्यवाणी सांगून पक्षाची वाटचाल कशी झाली. पक्ष हा कार्यकत्यांच्या ताकतीवर मोठा झालेला असून सध्या देशामध्ये पंतप्रधान नरेद्र मोदी यांच्या नेतृत्वाखाली आणि महाराष्ट्रामध्ये मुख्यमंत्री देवेंद्र फडणवीस यांच्या नेतृत्वाखाली काम करत आहे. असे कार्यकर्त्यांना संबोधित केले.
त्याचबरोबर शहर कार्यालय येथे सकाळी छत्रपती शिवाजी महाराज यांच्या पुतळ्यास पुष्पहार अर्पण करून स्वर गोडवा हा कार्यक्रमास सुरवात करण्यात आले. हा कार्यक्रम मोठ्या उत्साहात संपन्न झाला. त्याचबरोबर या वेळी कार्यालयामध्ये आमदार डॉ. राहुल आवाडे यांनी राम नवमी निमित्त प्रभू श्री रामचंद्र यांच्या पुतळ्यास पुष्पहार अर्पण करून सर्वाना राम नवमीच्या शुभेच्या दिल्या.
तसेच दुपारी राज्याचे मुख्यमंत्री देवेंद्र फडणवीस यांनी ऑनलाइन कार्यकर्ता संमेलनातुन कार्यकर्त्यांना संबोधित करून सर्व कार्यकर्त्यांना शुभेच्या दिल्या.
यावेळी शहराध्यक्ष पैलवान अमृत मामा भोसले, आमदार डॉ.राहुल आवाडे माजी मंत्री प्रकाश आवाडे, महिला शहराध्यक्ष अश्विनीताई कबडगे, युवा मोर्चा अध्यक्ष जयेश बुगड, सं. गां. नि.यो.अध्यक्ष अनिल डाळ्या, सौ उर्मिला गायकवाड सौ.नीता भोसले सौ.सपना भिसे, नागुबाई लोंढे, सौ.माधवी मुंढे, सौ. संगीता साळुंखे, सौ.अलका विभूते, महेश पाटील, उमाकांत दाभोळे, दीपक राशिनकर, अरुण कुंभार, भरत जोशी, सुधीर पाटील, प्रकाश दत्तवाडे, मारुती पाथरवट, नामदेव सातपुते, सचिन कोरे, प्रकाश खारगे, बाळासाहेब कलागते, प्रदीप मळगे यांच्यासह कार्यकर्ते, पदाधिकारी मोठ्या संख्याने उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
