सुत व्यापार फसवणूक प्रकरणातील प्रवीण व मयुर अग्रवालला ४ दिवसांची पोलीस कोठडी

सुत व्यापार फसवणूक प्रकरणातील प्रवीण व मयुर अग्रवालला ४ दिवसांची पोलीस कोठडी

इचलकरंजी :

सुत व्यापार फसवणूक प्रकरणात फरारी असलेले मयुर पंकज अग्रवाल आणि प्रवीण पुष्पक अग्रवाल या दोघांना शिवाजीनगर पोलीस ठाण्याच्या विशेष पथकाने पुण्यातून अटक केली. न्यायालयात हजर केल्यानंतर न्यायालयाने दोघांना ४ दिवसांची पोलीस कोठडी सुनावली आहे.

फिर्यादी मनीष धुत यांच्या तक्रारीवरून ही कारवाई झाली असून, आरोपी हे दीर्घकाळ फरारी होते. मुंबई उच्च न्यायालयाने त्यांच्या अटकपूर्व जामिन अर्ज १८ मार्च रोजी फेटाळला होता.

शिवाजीनगर पोलिसांनी सीडीआरच्या आधारे तपास करत दोघांना पुण्यात शोधून काढले. प्रभारी अधिकारी सचिन पाटील यांच्या मार्गदर्शनाखाली प्रवीण साने आणि सुनील बाईत यांनी ही कारवाई केली.

तपासात समोर आले आहे की, अग्रवाल कुटुंबीयांनी एकमेकांच्या नावे रक्कम फिरवून व्यव्हार दाखवले आणि बँकेकडून मोठ्या प्रमाणावर कर्ज उचलले. त्यामुळे फसवणुकीचे हे प्रकरण गंभीर स्वरूपाचे मानले जात आहे.पोलिसांनी कसून तपास केल्यास प्रकरणाची व्याप्ती वाढू शकते.