मान्सूनपूर्व आवश्यक कामाच्या अनुषंगाने शहरातील सारण गटारीचे स्वच्छतेच्या कामकाजाचे वरिष्ठ अधिकाऱ्यांच्या कडून पर्यवेक्षण

इचलकरंजी

       मान्सुनपुर्वी करणेत येत असलेल्या अत्यावश्यक कामा अंतर्गत पावसाच्या पाण्याचा शहरातील सारण गटारी मधुन  योग्य प्रकारे निचरा होण्यासाठी संपूर्ण शहरातील सारण गटारी मधील गाळ व इतर कचरा काढून स्वच्छ करणेचे आदेश आयुक्त तथा प्रशासक पल्लवी पाटील यांनी आरोग्य विभागास दिले होते.

      या अनुषंगाने शहरातील सर्व सारण गटारी स्वच्छ करणेचे काम सुरू आहे. सदर  कामावर देखरेख ठेवण्यासाठी आयुक्त पल्लवी पाटील यांनी दिलेल्या निर्देशानुसार अतिरिक्त आयुक्त सुषमा शिंदे, उपायुक्त नंदु परळकर, उपायुक्त अशोक कुंभार, सहा.आयुक्त विजय राजापुरे, वैद्यकीय आरोग्य अधिकारी डॉ. सुनीलदत संगेवार, उप.लेखा परिक्षक धनंजय पळसुले, क्रीडा अधिकारी संजय शेटे आणि माहिती व जनसंपर्क अधिकारी नितिन बनगे यांची पर्यवेक्षकीय  अधिकारी म्हणून नियुक्ती केली असून  प्रभाग क्रमांक १ मध्ये आयुक्त तथा प्रशासक पल्लवी पाटील स्वतः पर्यवेक्षण करणार आहेत.

    घनकचरा व्यवस्थापन अंतर्गत इचलकरंजी शहरात सारण स्वच्छता कामकाजाकरिता शहराचे १० प्रभाग निश्चित करण्यात आलेले आहेत. या १० प्रभागा अंतर्गत एकुण २४७ सारण गटारी आहेत.

           या आदेशानुसार सदर पर्यवेक्षकीय अधिकारी यांचेकडून संबंधित प्रभागातील मुख्य स्वच्छता निरीक्षक आणि स्वच्छता निरीक्षक यांचे उपस्थितीत सारण गटारी स्वच्छतेच्या दृष्टीने पर्यवेक्षण करणेत येत आहे.