रोटरी क्लब ऑफ इचलकरंजीचा ‘व्यावसायिक सेवा पुरस्कार वितरण समारंभ 2025’ उत्साहात संपन्न,विविध क्षेत्रातील यशस्वी उद्योजकांचा गौरव; प्रमुख पाहुणे म्हणून उद्योजक साईंबल सेन यांची उपस्थिती
इचलकरंजी –
रोटरी क्लब ऑफ इचलकरंजीच्या वतीने आयोजित करण्यात आलेला ‘व्यावसायिक सेवा पुरस्कार वितरण समारंभ 2025’ भरगच्च उपस्थितीत आणि उत्साहात पार पडला. विविध औद्योगिक व व्यावसायिक , क्षेत्रात उल्लेखनीय कामगिरी करणाऱ्या व्यक्ती व संस्थांचा यावेळी सन्मान करण्यात आला.
या सोहळ्याचे प्रमुख पाहुणे म्हणून मा. श्री. साईंबाल सेन, पुणे (संस्थापक व व्यवस्थापकीय संचालक, मेटल इम्प्रेग्नेशन्स इंडिया प्रा. लि. आणि टेक्नोसील इंजिनिअरिंग सोल्युशन्स ) यांनी उपस्थित राहून आपले विचार मांडले. त्यांनी तरुणांनी उद्योजकतेकडे वळण्याची गरज अधोरेखित करत “* यशस्वी उद्योगासाठी नवकल्पना आणि संशोधन ची आवश्यकता आहे†,” असे प्रतिपादन केले.
प्रमुख उपस्थिती रोटरी असिस्टंट गव्हर्नर रोटे. यतिराज भडारी (RID 3170) यांची होती. त्यांनी रोटरीतर्फे देण्यात येणाऱ्या व्यावसायिक सेवा पुरस्काराचे महत्त्व विशद केले. यावेळी प्रोबल सेन यांनीही थोडक्यात मनोगत व्यक्त केले.
पुरस्कार प्राप्त मानकरी
श्री. रमाकांत रामचंद्र वाळवेकर – केमिकल क्षेत्र,
सौ. पूजा असीम कुलकर्णी – फोड्री क्षेत्र
श्री. प्रकाश शंकर निकम – गारमेंट्स क्षेत्र
श्री. निलेश कृष्णा मुसळे – कॅटरिंग क्षेत्र.
इचलकरंजी शटल्स फॅब्रिक मॅन्युफॅ. असोसिएशन (संस्था क्षेत्र), अध्यक्ष – श्री. अनिलजी गोयल. यांना पाहुण्यांच्या हस्ते सन्मानपत्र ,बुके शॉल श्रीफळ देऊन गौरव करण्यात आला.
यावेळी रोटरीचे माजी अध्यक्ष महेश दाते यांना ब्रिलिंगटन, अमेरिका विद्यापीठातून भारतातील उत्पादन उद्योगातील धोरणात्मक वाढ आणि सातत्य या विषयावर डॉक्टरेट पदवी प्राप्त केले बद्दल त्यांचा पाहुण्यांच्या हस्ते सत्कार करण्यात आला .तसेच रोटरीचे डायरेक्टर राजू पाटील यांची इचलकरंजी शहर क्रेडाई या नामांकित संस्थेच्या सचिव पदी निवड झाल्याबद्दल त्यांचाही सत्कार करण्यात आला.रो.अभय यळरुटे यांनी संपादित केलेल्या रोटरीचे ॲक्शन बुलेटिनचे प्रकाशन उपस्थित पाहुण्यांचे हस्ते झाले.
कार्यक्रमाचे स्वागत रोटरी क्लब ऑफ इचलकरंजीचे अध्यक्ष रो. संतोष पाटील यांनी केले व प्रास्ताविक रो. महेश दाते या (प्रोजेक्ट चेअरमन)यांनी केले.
कार्यक्रमाचे संयोजन अत्यंत नेटके आणि प्रेरणादायी होते. सूत्रसंचालन सौ. शुभांगी माळी व रो. मनीष मुनोत यांनी केले.आभार रो. सुनील यलरुटे यांनी मानले. कार्यक्रमास रोटेरियन्स, उद्योजक व नागरीक बहुसंखेने उपस्थित होते.
फोटो-इचलकरंजी रोटरी क्लब आयोजित रोटरी व्यावसायिक सेवा पुरस्कार वितरण प्रसंगी पुरस्कार प्राप्त व्यक्ती प्रमुख पाहुणे आणि रोटरीचे पदाधिकारी
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
