शेअर बाजाराच्या आमिषाने फसवणूक; दोन आरोपींना १५ मे पर्यत पोलीस कोठडी
इचलकरंजी:
शिवाजीनगर पोलीस ठाण्याच्या हद्दीत दाखल आर्थिक फसवणुकीप्रकरणी आज दोन आरोपींना अटक करण्यात आली असून, त्यांना इचलकरंजी न्यायालयाने १५ मे पर्यत पोलीस कोठडी सुनावली आहे.
या प्रकरणी फिर्यादी डॉ. दशावतार गोपालकृष्ण बडे (वय ५६ व्यवसाय – वैद्यकीय, रा. गुलगुंजे गल्ली, इचलकरंजी) यांनी तक्रार दिली होती. त्यांच्या तक्रारीनुसार आरोपींनी बनावट Axis Stock Exchange या कंपनीच्या नावाखाली शेअर गुंतवणुकीचे आमिष दाखवून आर्थिक फसवणूक केली.
आज अटक करण्यात आलेले आरोपी रितेश अरुण वंजारी (रा. नागपूर) व अनिष रशिद शाह (रा. हिंगणा रोड, नागपूर) यांना इचलकरंजी न्यायालयात हजर करण्यात आले. न्यायालयाने त्यांना १५ मे पर्यत पोलीस कोठडी सुनावली आहे
या गुन्ह्याच्या तपासासाठी पोलीस निरीक्षक सचिन पाटील यांच्या नेतृत्वाखाली तपास पथक कार्यरत असून, आरोपींकडून आणखी काही गुंतवणूकदारांची फसवणूक झाल्याचे पुरावे हाती लागण्याची शक्यता आहे. पोलिसांनी गुन्ह्याचे मूळ मास्टरमाइंड कोण आहे, याचा तपासही सुरु केला आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
