काळे बंधूंना मागितली २३ लाखांची खंडणी; पोलिसात मंडपे आणि ठिकणे यांच्यावर तक्रार

काळे बंधूंना मागितली २३ लाखांची खंडणी; पोलिसात मंडपे आणि ठिकणे यांच्यावर तक्रार

इचलकरंजी

अब्दुल लाट  येथील सामाजिक कार्यकर्ते व चैतन्य शिक्षण संस्थेचे संस्थापक डॉ. दशरथ काळे आणि प्राचार्य शरद काळे यांना २३ लाख रुपये खंडणीसाठी धमकी दिल्याचा प्रकार उघड झाला आहे. विशाल मंडपे व रमेश ठिकणे या दोघांविरोधात खंडणी, बेकायदा सावकारी, ब्लॅकमेल आणि धमकीप्रकरणी पोलिसात तक्रार दाखल करण्यात आली आहे.

कोरोना काळात काळे बंधूंनी आर्थिक अडचणीत मंडपे व ठिकणे यांच्याकडून १० लाख रुपये ५ टक्के दराने घेतले होते. ही रक्कम शिक्षण संस्थेत अनामत ठेव असल्याच्या स्वरूपात दाखवून पावत्या घेतल्या. दोन वर्षे व्याज भरल्यानंतर मूळ रक्कम व व्याज मिळून एकूण १०.७५ लाख रुपये परत केले.

तरीही मंडपे व ठिकणे यांनी अजून २३ लाखांची मागणी करत विनयभंग व फसवणुकीच्या खोट्या तक्रारी दाखल करण्याची धमकी दिली. याआधी फेब्रुवारी २०२४ मध्येही अशा पद्धतीने ३ लाखांची खंडणी उकळण्यात आली होती. अखेर या त्रासाला कंटाळून काळे बंधूंनी पोलिसात तक्रार दाखल केली आहे. संबंधितांवर कठोर कारवाईची मागणी करण्यात आली आहे.