जन्ममृत्यू विभागाच्या सुशोभीकरण व लिपिक संख्या वाढविण्याची उमाकांत दाभोळे यांची मागणी

जन्ममृत्यू विभागाच्या सुशोभीकरण व लिपिक संख्या वाढविण्याची उमाकांत दाभोळे यांची मागणी

इचलकरंजी :

शहरातील नागरिकांना महत्त्वाच्या सेवांपैकी असलेल्या जन्ममृत्यू विभागात वाढत्या गर्दीमुळे व अपुऱ्या कर्मचाऱ्यांमुळे निर्माण झालेल्या गैरसोयींचा प्रश्न ऐरणीवर आला आहे. या पार्श्वभूमीवर भारतीय जनता पक्षाचे इचलकरंजी शहर उपाध्यक्ष उमाकांत दाभोळे यांनी महापालिका प्रशासक तथा आयुक्त यांच्याकडे निवेदनाद्वारे सुशोभीकरण व कर्मचारी वाढवण्यासाठी मागणी केली आहे.

जन्ममृत्यू विभाग हा सर्वसामान्यांसाठी संवेदनशील व दररोज वापरला जाणारा विभाग आहे. मात्र, येथील कार्यालयीन जागा व सुविधा अपुऱ्या असल्याने नागरिकांना अनेक अडचणींचा सामना करावा लागतो. तसेच लिपिकांची संख्या कमी असल्याने प्रमाणपत्रे व नोंदी प्रक्रियेस उशीर होतो, असेही त्यांनी निदर्शनास आणून दिले.

यावर उपाय म्हणून विभागाचे सुशोभीकरण करून स्वच्छ, सुसज्ज व नागरिकांसाठी सोयीस्कर वातावरण तयार करण्यात यावे, तसेच लिपिकांची संख्या वाढवून सेवा अधिक तत्पर व सुलभ करण्यात यावी, अशी ठोस मागणी उमाकांत दाभोळे यांनी केली आहे.