इचलकरंजीत दोन पानटपरी चालकांविरोधात मावा विक्रीप्रकरणी गुन्हे 

इचलकरंजीत दोन पानटपरी चालकांविरोधात मावा विक्रीप्रकरणी गुन्हे 

इचलकरंजी :

शिवाजीनगर पोलीस ठाण्याच्या पथकाने शहरातील दोन वेगवेगळ्या पानटपऱ्यांवर कारवाई करत अवैध सुगंधी तंबाखू, सुपारी व मावा विक्री करताना दोघांना पकडले. टोबॅको ऍक्ट नुसार दोन्ही ठिकाणी गुन्हे नोंदवण्यात आले आहेत.

पहिल्या प्रकरणात आरोपी दीपक चंद्रकांत पाटील (रा. इचलकरंजी) हा शाहूनगर गल्ली क्र. ९ येथील एस.पी. पान शॉपमध्ये लेबल किंवा कोणतेही वैधानिक इशारे न लावता मावा, सुपारी व कच्च्या साहित्याची विक्री करीत असताना आढळला. पोलिसांनी १९५० रुपयांचा मुद्देमाल जप्त केला.

दुसऱ्या प्रकरणात उत्तम शंकर जठारे (रा. कबनूर) हा कबनूरच्या रुई रोडवरील गुडलक पान शॉपमध्ये अवैध मावा विकत असल्याचे आढळले. या ठिकाणी १५०० रुपयांचा मुद्देमाल जप्त करण्यात आला.

दोन्ही कारवाया फिर्यादी पोलीस कर्मचारी प्रमोद चव्हाण यांनी केल्या असून पुढील तपास शिवाजीनगर पोलीस ठाण्याचे अधिकारी करीत आहेत.