राधाकृष्ण चौक सुशोभीकरणासाठी साईप्रसाद ग्रुपचा पुढाकार

इचलकरंजी :

शहरातील राधाकृष्ण चौकाचे सुशोभीकरण करण्यासाठी श्री साईप्रसाद ग्रुपचे संस्थापक अध्यक्ष श्री सुनील महाजन यांनी स्वखर्चातून काम करण्याची तयारी दर्शविली आहे. याबाबतचे निवेदन आज इचलकरंजी महानगरपालिकेचे महापौर उदय धातूंडे व उपमहापौर अनिल डाळ्या यांना प्रभाग क्रमांक ६ मधील नगरसेविका विजया सुनील महाजन यांनी दिले.

गेल्या अनेक वर्षांपासून राधाकृष्ण चौक सुशोभीकरणाचा विषय प्रलंबित आहे. मात्र आता हे काम इचलकरंजी महानगरपालिकेवर कोणताही आर्थिक भार न टाकता स्वखर्चातून करण्यात येणार असल्याने परिसरातील नागरिकांमध्ये समाधान व्यक्त होत आहे.

उद्या होणाऱ्या कौन्सिल बैठकीत ऐनवेळेच्या विषयामध्ये हा प्रस्ताव घेऊन त्यास मंजुरी द्यावी व तात्काळ कामास सुरुवात करावी, अशी मागणी नगरसेविका विजया महाजन यांनी केली आहे.

यावेळी सभागृह नेते विठ्ठल चोपडे, स्थायी समिती सभापती सतीश मुळीक व विनय महाजन उपस्थित होते.

महापौर उदय धातूंडे यांना निवेदन देताना नगरसेविका विजया महाजन