इचलकरंजी महापालिकेची सर्वसाधारण सभा आज रोजी; मालमत्ता कर मोजणीचा विषय गाजणार, बायोमायनिंग विषय गुंडाळला?

इचलकरंजी :

इचलकरंजी महानगरपालिकेची सर्वसाधारण सभा आज १२.१५ वाजता प्रशासकीय इमारतीतील भारतरत्न डॉ. बाबासाहेब आंबेडकर सभागृहात आयोजित करण्यात आली आहे. या सभेत शहर विकास, नामकरण, स्वच्छता व सुशोभीकरणासंदर्भातील महत्त्वाच्या विषयांवर चर्चा होणार आहे.

सभेत कै. श्रीमंत नारायणराव बाबासाहेब घोरपडे यांच्या पुतळ्याचे सुशोभीकरण, जगज्योती महात्मा बसवेश्वर पुतळा उभारणी,विविध भागांचे नामकरण,शहापूर ओढ्यात कचरा टाकणाऱ्यांवर कारवाई, मृत जनावरांसाठी विद्युत दाहिनी उभारणी,उद्याने व ऑक्सिजन पार्क देखभाल, कबनूर येथील खुल्या जागेचा विकास तसेच मिळकत कर आकारणीसाठी त्रयस्थ एजन्सी नियुक्ती यांसह विविध विषयांवर निर्णय घेतले जाणार आहेत.सभेच्या शेवटी महापौरांच्या परवानगीने ऐनवेळचे विषयही घेतले जाणार आहेत. इचलकरंजी शहरातील मिळकतधारकांची त्रयस्थ यंत्रणेमार्फत मोजणी करण्याचा विषय गाजणार आहे,यामध्ये मनपाच्या उत्पन्नात वाढ होणार असल्याने याकडे सर्वांचे लक्ष लागले आहे.