इचलकरंजी विधानसभा मतदारसंघात SIR मोहिमेला गती; 87 टक्के मतदारांपर्यंत निवडणूक आयोगाचे फॉर्म पोहोचले

इचलकरंजी विधानसभा मतदारसंघात SIR मोहिमेला गती; 87 टक्के मतदारांपर्यंत निवडणूक आयोगाचे फॉर्म पोहोचले

इचलकरंजी:

279 इचलकरंजी विधानसभा मतदारसंघात विशेष सखोल पुनरिक्षण (SIR) कार्यक्रमांतर्गत मतदार पडताळणीचे काम वेगाने सुरू असून, 16 जुलै 2026 अखेरच्या अहवालानुसार एकूण 3 लाख 17 हजार 733 मतदारांपैकी 2 लाख 76 हजार 666 मतदारांपर्यंत (87.07 टक्के) निवडणूक आयोगाचे एन्युमरेशन फॉर्म (EF) पोहोचविण्यात आले आहेत.

अहवालानुसार मतदारसंघात 266 केंद्रस्तरीय अधिकारी (BLO) आणि 23 पर्यवेक्षक नियुक्त करण्यात आले असून, मतदार पडताळणीचे काम त्यांच्या माध्यमातून सुरू आहे.

मतदार यादीतील 2 लाख 53 हजार 369 मतदारांचे प्री-SIR मॅपिंग पूर्ण झाले असून, त्याचे प्रमाण 79.74 टक्के इतके आहे.

दरम्यान, वितरित करण्यात आलेल्या फॉर्मपैकी 1 लाख 4 हजार 44 फॉर्म (32.75 टक्के) भरून प्राप्त झाले आहेत. तर Elector Self सुविधेद्वारे आतापर्यंत 311 मतदारांनी (0.10 टक्के) स्वतः ऑनलाइन फॉर्म सादर केले आहेत.

निवडणूक आयोगाच्या या विशेष मोहिमेत उर्वरित मतदारांनीही आवश्यक कागदपत्रांसह फॉर्म भरून वेळेत सादर करावेत, असे आवाहन प्रशासनाकडून करण्यात येत आहे.