इचलकरंजीत १५ ऑगस्टला मोफत बुद्धिबळ कॅम्प; १६ ऑगस्टला ओपन चेस टीम चॅम्पियनशिप
इचलकरंजी : स्वातंत्र्यदिनाच्या निमित्ताने केन चेस अकॅडमी इचलकरंजीतर्फे व चेसबेस इंडियाच्या सहकार्याने **‘द बिग चेस इंडिपेंडन्स कॅम्प २०२६’**चे आयोजन करण्यात आले आहे. तसेच १६ ऑगस्ट रोजी ‘२nd केन ओपन चेस टीम चॅम्पियनशिप २०२६’ होणार आहे. दोन्ही उपक्रम स्व. सौ. प्रतिभा बाळासाहेब लांडे सांस्कृतिक भवन व डॉ. दिलीप ललासाहेब देशमुख हॉल, यशवंत प्रोसेस मागे, कल्याण केंद्र रोड, इंडस्ट्रीयल इस्टेट येथे होणार आहेत.
१५ ऑगस्ट रोजी सकाळी १० ते सायंकाळी ५ या वेळेत होणारा चेस कॅम्प पूर्णपणे मोफत असून, सर्व वयोगटातील बुद्धिबळप्रेमींसाठी खुला आहे. अनुभवी प्रशिक्षकांकडून मूलभूत ते प्रगत बुद्धिबळ प्रशिक्षण, डावपेच व रणनीतीचे मार्गदर्शन तसेच विविध मनोरंजक चेस अॅक्टिव्हिटींचे आयोजन करण्यात आले आहे. मेडिकल असोसिएशन ऑफ इचलकरंजी (MAI) हे कॅम्पचे व्हेन्यू पार्टनर आहेत.
दरम्यान, १६ ऑगस्ट रोजी चेस असोसिएशन कोल्हापूर व चेस असोसिएशन इचलकरंजी यांच्या मान्यतेने, MAI व केन चेस अकॅडमीच्या संयुक्त विद्यमाने टीम चॅम्पियनशिप होणार आहे. एका संघात चार खेळाडू असून एकूण सात फेऱ्या होतील. प्रत्येक खेळाडूस १० मिनिटे अधिक ५ सेकंद इन्क्रिमेंट वेळ मिळणार आहे. स्पर्धेचे उद्घाटन सकाळी ९.३० वाजता होईल.
स्पर्धेसाठी १५ हजार रुपये रोख, १४ चषक व १२ पदकांची बक्षिसे ठेवण्यात आली आहेत. विजेत्या संघाला ५ हजार, उपविजेत्यास ३ हजार व तृतीय क्रमांकास २ हजार रुपये व चषक मिळणार आहे. तसेच विविध विशेष गटांसाठी बक्षिसे देण्यात येणार आहेत.
प्रवेश फी ५०० रुपये असून अंतिम तारीख १४ ऑगस्ट आहे. अधिक माहितीसाठी रोहित पोळ (९६५७३३३९२६, ९०९६२२११७८) व विजय सर (९१३०७४३१११) यांच्याशी संपर्क साधावा, असे आवाहन करण्यात आले आहे.
