पोषण पुनर्वसन केंद्र बालकांच्या प्रतीक्षेत १४ दिवस उपचार पद्धती मुळे उदासिनता,पालकांनी पुढे येणे आवश्यक

इचलकरंजी:

आयजीएम रुग्णालयात १ ऑगस्ट २०२३ मध्ये कोल्हापूर  जिल्ह्यातील  दुसऱ्या पोषण पुनर्वसन केंद्र सुरू करण्यात आले होते. या केंद्रा मध्ये वर्षभरात १२६ कुपोषित बालकांच्यावर उपचार करण्यात आले. तर त्यामधील ९० बालकांना कुपोषणा मधून बाहेर काढण्यात वैद्यकीय अधिकार्‍यांना यश आले. सध्या केवळ ३ बालके उपचार घेत आहेत. परंतु आलीकडे केंद्रात उपचारा करिता येणार्‍या बालकांचे प्रमाण घटले आहे. यास पालकांच्या उदासीनते सोबत विविध कारणे असली तरी केंद्रास बालकांची प्रतीक्षा करावी लागत असल्याचे चित्र आहे.

कोल्हापूर जिल्ह्यात केवळ गडहिंग्लज येथे पोषण पुनर्वसन केंद्र  होते. बाळ कुपोषित असतांनाही काही पालक गडहिंग्लज केंद्र दूर असल्याचे कारण देत उपचारास  टाळाटाळ करीत होते. परिणामी कुपोषित मुले उपचाराअभावी होती. आयजीएम रुग्णालयात हे  केंद्र सुरू करण्यात आल्याने इचलकरंजी शहर परिसरातील नागरिक याचा लाभ घेतील अशी अपेक्षा होती. त्याप्रमाणे प्रथम मोठ्या प्रमाणात कुपोषित बालक उपचारास रुग्णालयात येत होते. मात्र त्यानंतर कुपोषित बालकांच्या उपचारास येणार्‍या संख्येत घट होत गेली.

आयजीएम रुग्णालयात असलेल्या पोषण पुनर्वसन केंद्र हे दहा बेडचे आहे.पाच वर्षा खालील ज्या बाळांचे वजन-उंची कमी आहे अशा कुपोषित बालकांना उपचारासाठी दाखल केले जाते. या केंद्रात १४ दिवसामध्ये त्यांच्या दैनंदिन दिनचर्या,समतोल आहार,गरजेनुसार औषधोपचाराच्या माध्यमातून उपचार सुरू आहेत.आज पर्यन्त १२६ बालकांच्यावर उपचार करण्यात आले आहेत.त्यामधील ३६ बालके दुर्धर आजाराने  ग्रस्त असून ही त्यांच्या प्रकृती मध्ये सकारात्मक सुधारणा करण्यात यश आले आहे.मुलांवर होणारे सकारात्मक परिणाम पाहून अन्य कुपोषित बालकांचे पालक उपचारा करिता येतील अशी अपेक्षा होती. मात्र सध्या पोषण पुनर्वसन केंद्रास बालकांची प्रतीक्षा करावी लागत आहे.

  बदली नंतर मोहीम थंडावली.

–

डॉ. संदीप मिरजकर, बालरोग तज्ञ आयजीएम रुग्णालय