हुबळी-पुणे राष्ट्रीय महामार्गाची बिकट अवस्था-महेंद्र शिंगी यांचे पंतप्रधान मोदी,मंत्री गडकरींना पत्र. गुणवत्तापूर्ण रस्ते होईपर्यंत टोल वसुली थांबवण्याची मागणी.

हुबळी

हुबळी-बेळगाव-कोल्हापूर ते पुणे दरम्यानच्या राष्ट्रीय महामार्ग-४८ च्या दयनीय अवस्थेची माहिती देताना भारत सरकारच्या रस्ते वाहतूक आणि राष्ट्रीय महामार्ग मंत्रालयाचे माजी सदस्य आणि सामाजिक कार्यकर्ते महेंद्र शिंगी यांनी पंतप्रधान नरेंद्र मोदी आणि रस्ते वाहतूक मंत्री आणि महामार्ग, भारत सरकार नितीन गडकरी यांना पत्र लिहून तीव्र चिंता आणि निराशा व्यक्त केली आहे.

 हुबळीहून राष्ट्रीय महामार्ग क्रमांक ४८ वरून अवघ्या ५ तासात पुण्याला पोहोचता येईल, अशी अपेक्षा होती परंतु आज या महामार्गाची अवस्था अशी झाली आहे. हुबळीहून पुण्याला पोहोचायला ९ ते ११ तास लागतात.४०० किलोमीटरचा प्रवास हा एक प्रकारचा त्रासदायक आणि असह्य प्रवास आहे. हा महामार्ग जागतिक दर्जाच्या रस्त्यांपासून दूर आहे.सिंघी यांनी सांगितले की, हुबळी-बेळगाव ते पुणे मार्गावर अत्यानुधिक इनोव्हा गाडीने प्रवास करताना मुसळधार पावसामुळे महामार्गावर अनेक ठिकाणी खड्डे पडले आहेत,वळणाचे योग्य सिग्नल नाहीत,खोल खड्डे असलेले धोकादायक सर्व्हिस रोड वरून प्रवास करताना ३०किमी प्रति तास या वेगाने प्रवास करावा लागत आहे.

संततधार पावसामुळे खराब झालेल्या रस्त्यांवरील मातीमुळे चिखल होऊन अपघाताचे प्रमाण वाढत आहे.

हुबळी-कोल्हापूर-पुणे-मुंबई, हुबळी-शिर्डी, हुबळी-अहमदाबाद, बेळगाव-मुंबई, इचलकरंजी-मुंबई या मार्गांवर अनेक खासगी आणि सरकारी बसेस आणि खासगी वाहने धावतात, जेणेकरून लोकांना कमी वेळेत पोहोचता येईल पण सध्या ही वेळ दुप्पट झाली असून त्यामुळे सर्वसामान्यांना मोठा त्रास सहन करावा लागत आहे.

रस्ते बांधणीचे काम प्रगतीपथावर आहे, परंतु कामाची गती अतिशय संथ आहे आणि माझ्या अंदाजानुसार काम पूर्ण होण्यासाठी आणखी दोन वर्षे लागू शकतात. रस्त्यांची सद्यस्थिती पाहता, माझे टोल शुल्क कुठे जात आहे, असा प्रश्न पडत आहे..

सामान्यत: टोल आकारणीचा उद्देश रस्त्यांच्या देखभालीचा खर्च भरून काढणे,त्यामुळे वेळ,इंधन वाचवणे आणि प्रवाशांना सुविधा देणे हा असतो. परंतु, यापैकी एकही निकष या विभागावर पाळला जात नाही. खराब रस्त्यांमुळे वाहनांचे नुकसान होत आहे, इंधनाचा वापर वाढत आहे आणि सर्वात गंभीर बाब म्हणजे या धोकादायक रस्त्यांमुळे लोकांचा जीव धोक्यात येत आहे. याला अनुसरून शिंगी म्हणाले की, अशा परिस्थितीत ‘रस्त्यांचा दर्जा बरोबरीचा नसताना जनतेने भरमसाठ टोल का भरावा?’, असा विचार करणे चुकीचे ठरेल का? रस्त्याच्या ६ व्या लेनमध्ये सुधारणा करण्याचे मनापासून स्वागत आहे, परंतु प्रगती अत्यंत संथ आहे. अवजड वाहतूक असलेले असे प्रकल्प सर्वोच्च प्राधान्याने आणि दिलेल्या मुदतीत पूर्ण केले पाहिजेत. पण, गेल्या २-३ वर्षांपासून हा प्रकल्प सुरू आहे. या प्रकरणात लक्ष घालावे आणि रस्ते बांधणीला गती देण्यासाठी तातडीने पावले उचलावीत आणि त्यादरम्यान सर्व महामार्गांची देखभाल करावी अशी विनंती त्यांनी पत्राद्वारे केली आहे.तसेच जोपर्यंत रस्त्यांची गुणवत्ता मोठ्या राष्ट्रीय महामार्गावरून असलेल्या नियमानुसार सुधारत नाही तोपर्यंत टोल वसुली थांबवावी.

एक मेहनती आणि समर्पित पंतप्रधान म्हणून तुम्ही आम्हा सर्व भारतीयांमध्ये आशा निर्माण केली आहे. महामार्गांच्या दुरवस्थेबाबत तातडीने कार्यवाही करावी, असे आवाहन शिंगी यांनी शेवटी केले आहे.