श्रीमती आ.रा.पाटील कन्या महाविद्यालयाच्या विशेष श्रमसंस्कार शिबिराचे उद्घाटन संपन्न.
इचलकरंजी:
येथील श्री स्वामी विवेकानंद शिक्षण संस्था कोल्हापूर संचलित श्रीमती आक्काताई रामगोंडा पाटील कन्या महाविद्यालयाच्या राष्ट्रीय सेवा योजनेचे विशेष श्रमसंस्कार शिबिर मौजे चंदुर या गावी दिनांक २४ जानेवारी २०२५ ते दिनांक ३० जानेवारी २०२५ अखेर संपन्न होत आहे.
या शिबिराचे उद्घाटन मौजे चंदूर गावच्या लोकनियुक्त सरपंच माननीय सौ स्नेहल कांबळे यांच्या हस्ते संपन्न झाले.
यावेळी बोलताना त्यांनी सर्व स्वयंसेवकांना या विशेष श्रमसंस्कार शिबिरासाठी शुभेच्छा दिल्या.
आणि भविष्यातही लागेल ती मदत करू असे आश्वासन दिले. तसेच सर्व स्वयंसेविकांना उद्देशून त्यांनी गावाच्या विकासासाठी सूचनाही कराव्यात असे सांगितले. आणखी गावाकडून तुम्हांला काय मदत लागेल यासाठी जाताना ग्रामपंचायतीस एक पत्र लिहावे जेणेकरून पुढच्या वर्षी त्या सर्व सोयी आम्हांला करता येतील असे त्या म्हणाल्या.
कन्या महाविद्यालयाचे विशेष श्रमसंस्कार शिबिर दरवर्षी मौजे चंदूर या गावी येत असते,इथले सर्व सरपंच, उपसरपंच,नागरिक यांचे मोलाचे सहकार्य मिळत असते.
या कार्यक्रमाचे अध्यक्षस्थानी महाविद्यालयाचे प्राचार्य माननीय डॉ.बाबासाहेब दुधाळे हे होते,त्यांनी विद्यार्थिनींना शुभेच्छा दिल्या आणि मौजे चंदूर येथील सरपंच,उपसरपंच तसेच गावकऱ्यांचे आभार मानले.
या कार्यक्रमाचे स्वागत व प्रास्ताविक कार्यक्रम अधिकारी डॉ.धीरज शिंदे यांनी केले तर सूत्रसंचालन डॉ. प्रियांका कुंभार यांनी केले.आभार प्रा.संदीप पाटील यांनी मानले. राष्ट्रीय सेवा योजना सदस्य प्रा.सोमनाथ गायकवाड,प्रा.निकिता बडे उपस्थित होते.
या विशेष श्रमसंस्कार शिबिरासाठी महाविद्यालयातील गुरुदेव कार्यकर्ते विद्यार्थिनी स्वयंसेवक उपस्थित होते.
