महानगरपालिका वर्धापन दिनानिमित्त आयोजित सुप्रसिद्ध व्याख्याते मा.श्री.वसंत हंकारे यांच्या व्याख्यानाचा शहरातील सर्व महिला आणि युवती यांनी लाभ घ्यावा-आयुक्त तथा प्रशासक पल्लवी पाटील

इचलकरंजी:

इचलकरंजी महानगरपालिका वर्धापन  दिनाचे औचित्य साधून इचलकरंजी महानगरपालिकेच्या वतीने विविध कार्यक्रमांचे आयोजन करण्यात आलेले आहे.

वर्धापन दिनानिमित्त आयोजित करण्यात आलेल्या कार्यक्रमांमध्ये शहरातील महिला व युवती यांचे करिता एखाद्या प्रबोधनात्मक कार्यक्रमाचं आयोजन करावे या हेतूने आयुक्त तथा प्रशासक पल्लवी पाटील यांच्या संकल्पनेतून उद्या शुक्रवार दि.  १३ जून रोजी श्रीमंत नारायणराव घोरपडे सभागृह येथे दुपारी ४ वाजता सुप्रसिद्ध व्याख्याते *श्री वसंत हंकारे* यांचे *’बाप समजून घेताना’* या भावनात्मक विषयावर आधारित व्याख्यानाचे आयोजन करण्यात आलेले आहे.

          या व्याख्यानासाठी सर्वांना मोफत प्रवेश देण्यात येणार आहे तरी शहरातील  महिला व युवती यांनी मोठ्या संख्येने उपस्थित राहून या व्याख्यानाचा लाभ घ्यावा असे आवाहन आयुक्त तथा प्रशासक पल्लवी पाटील यांचे कडून करण्यात येत आहे.