इचलकरंजीच्या ई-बस रोखून रिक्षाचालकांचे आंदोलन; दोन फेऱ्या कमी करण्याच्या तोडग्यानंतर सेवा पूर्ववत हातकणंगले रेल्वे स्थानकावर दोन तास वाहतूक ठप्प; परिवहन सभापतींना महापालिकेचे वाहन न मिळाल्याने प्रशासनाच्या भूमिकेवर प्रश्नचिन्ह इचलकरंजी : हातकणंगले रेल्वे स्थानकावरील रिक्षाचालकांनी ई-बस सेवा सुमारे दोन तास अडवून धरल्याने गुरुवारी वाहतुकीचा पेच निर्माण झाला. ई-बस सेवेमुळे रिक्षाचालकांच्या व्यवसायावर परिणाम होत असल्याचा आरोप करत त्यांनी आंदोलन छेडले. अखेर परिवहन सभापती अरुणा बचाटे यांनी खासगी वाहनाने घटनास्थळी धाव घेत रिक्षाचालकांशी चर्चा केली. दिवसातील सात बस फेऱ्यांपैकी दोन फेऱ्या कमी करण्याच्या तोडग्यानंतर आंदोलन मागे घेण्यात आले आणि ई-बस सेवा पूर्ववत सुरू झाली. मात्र, परिस्थितीचे गांभीर्य लक्षात घेऊनही सभापतींना महापालिकेकडून वाहन उपलब्ध न झाल्याने प्रशासनाच्या कार्यपद्धतीवर प्रश्न उपस्थित होत आहेत. हातकणंगले रेल्वे स्थानकावर सकाळी साडेसहा वाजता येणारी महालक्ष्मी एक्स्प्रेस आणि साडेदहा वाजता येणारी कलबुर्गी एक्स्प्रेस या रेल्वे गाड्यांमधून मोठ्या संख्येने प्रवासी उतरतात. या प्रवाशांच्या वाहतुकीतून