कोरोचीत मध्यरात्री घरात घुसून काठीने हल्ला; महिलेच्या आईचे हाड फ्रॅक्चर,वागणुकीच्या संशयातून पती-पत्नीत वाद; पतीसह सासऱ्याविरुद्ध गुन्हा दाखल इचलकरंजी : वागणुकीच्या संशयातून झालेल्या वादाचा राग मनात धरून पती आणि सासऱ्याने विवाहितेच्या माहेरी मध्यरात्री जबरदस्तीने प्रवेश करून काठीने मारहाण केल्याची घटना कोरोची येथील इंदिरानगर परिसरात घडली. या हल्ल्यात विवाहितेच्या आईच्या उजव्या खांद्याचे हाड फ्रॅक्चर झाले असून, विवाहिता आणि तिचा भाऊही जखमी झाले आहेत. याप्रकरणी २६ वर्षीय विवाहितेने शहापूर पोलीस ठाण्यात फिर्याद दिली आहे. त्यानुसार पती स्वप्निल रंगराव माने (वय २७) आणि सासरे सिताराम परसू माने (वय ६०, दोघे रा. इंदिरानगर, कोरोची) यांच्याविरुद्ध गुन्हा दाखल करण्यात आला आहे. १० नोव्हेंबर रोजी रात्री पतीने चारित्र्याच्या संशयावरून विवाहितेला शिवीगाळ करून वाद घातला होता. यावेळी समजावून सांगण्यासाठी आलेल्या तिच्या मामेभावालाही लाथाबुक्क्यांनी मारहाण करण्यात आली. त्यानंतर ११ नोव्हेंबर रोजी पहाटे दोनच्या सुमारास दोघांनी काठ्या घेऊन माहेरच्या घराच्या मागील दरवाजाची कडी तोडून