हवामहल बंगला रोडवर दिवाळी बाजाराचा बेशिस्त कारभार!महापालिकेचे नियोजन फोल; व्यापाऱ्यांनी रस्ताच व्यापल्याने वाहतुकीचा बोजवारा इचलकरंजी : दिवाळी बाजाराच्या जागेवरून महिनाभर बैठका, चर्चा आणि कारवाईचे इशारे देणाऱ्या महापालिका प्रशासनाची प्रत्यक्ष अंमलबजावणीच्या वेळी पुरती पोलखोल झाली आहे. हवामहल बंगला रोडवर बाजारासाठी मर्यादित जागा उपलब्ध करून दिल्यानंतरही व्यापाऱ्यांनी रस्त्याच्या मध्यभागी दुकाने थाटल्याने संपूर्ण रस्ता व्यापाऱ्यांच्या ताब्यात गेला आहे. मुख्य रस्त्यांवर कोणत्याही परिस्थितीत बाजार भरू देणार नाही, अशी भूमिका प्रशासनाने घेतली होती. मात्र, महापौर उदय धातुंडे यांनी वाहतुकीला अडथळा न आणता महापालिकेच्या मालकीच्या जागेसमोरील परिसरात बाजार भरविण्यास परवानगी दिली होती. व्यापाऱ्यांची संख्या वाढल्याचे कारण देत गुरुवारी सायंकाळी रस्त्याच्या दुतर्फा आणि मध्यभागी दुकाने मांडण्यात आली. विशेष म्हणजे, अतिक्रमण हटविण्यासाठी पुरेसे मनुष्यबळ आणि पोलिसांचे पाठबळ नसल्याने प्रशासनाला बघ्याची भूमिका घ्यावी लागली. परिणामी परिसरातील वाहतूक विस्कळीत झाली असून वाहनधारकांना कोंडीचा सामना करावा लागत आहे. न्यायालयात जाण्याच्या इशाऱ्याकडे लक्ष शिवतीर्थ ते